گه‌ڕان

Shadow Shadow
سیاسه‌تی

بەپەلە

کازمى لەسەر هێرشە موشەکییەکان هاتە دەنگ

2021.03.03 - 16:53
App store icon Play store icon Play store icon
کازمى لەسەر هێرشە موشەکییەکان هاتە دەنگ

ناس کورد- 

سەرۆک وەزیرانى عێراق ڕایگەیاند، ئەوانەى هێرشى موشەکى بۆ سەر سەربازگەکان ئەنجام دەدەن هیچ ئینتیمایەکى راستەقینەیان بۆ عێراق نییە و تەنها زیان بە پێشکەوتن دەگەیەنن.

کەناڵی ناس کورد لە تێلیگرام جۆین بکە   

 

مستەفا کازمى، سەرۆک وەزیران و سەرۆکى هێزە چەکدارەکانى عێراق (چوارشەممە 3ى ئازارى 2021) لە کۆبونەوەى ئەنجومەنى وزارى بۆ ئاسایشى نیشتمانى وتى، ئەوانەى هێرشى موشەکى بۆ سەر بنکە سەربازیەکان ئەنجام دەدەن هیچ ئینتیمایەکیان بۆ عێراق نییە و هیچ بیانویەکیان نییە لەژێر هیچ ناو و ناونیشانێک.

 

باسى لەوەشکردووە، ئەو کارانە تەنها زیان بەو پێشکەوتنە دەگەیەنێت کە عێراق بەدیهێناوە، لە لایەکەوە قەیرانى ئابوریى تێپەڕاندووە و هەروەها ڕۆڵى عێراق لە سەقامگیرى و ئاسایشى هەرێمى و نێودەوڵەتى.

 

کازمى جەختیلەوەشکردوەتەوە، ڕێنمایى ئاشکرا دراوەتە لایەنە ئەمنیەکان بۆ گرتنەبەرى هەڵوێستى یەکلاکەرەوە لەگەڵ ئەو گروپانەدا لەژێر هەر ناو و پڕوپاگەندەیەکدا بن، هەر لایەنێک پێى وایە لە سەرووى دەوڵەتەوەیە یاخود دەتوانێت ئەجێنداکانى بەسەر عێراق و داهاتووى ڕۆڵەکانى بسەپێنێت ئەوا لە وەهمدا دەژى.

 

سەرۆکى وەزیرانى عێڕاق داواش لە هەموو لایەنەکان دەکات هەڵوێستى ڕوون و ڕاشکاوانە بۆ پشتیوانى حکومەت دەرببڕن.

 

سەرچاوەیەکى ئاگادار ئەمڕۆ چوارشەممە بە "ناس" ى راگەیاند، 10 موشوکى کاتیۆشا ئاڕاستەى بنکەى عەین ئەسەد کراوە.  

 

لاى خۆیەوە، شانەى میدیاى ئەمنى لەبەیاننامەیەکدا رایگەیاند، 10 موشەکى جۆرى گراد لەبنکەى ئاسمانى عەین ئەسەد کەوتونەتە خوارەوە، بەبێ ئەوەى هیچ زیانێکى ئەوتۆى لێکەوتبێتەوە و هێزە ئەمنییەکان سەکۆى هەڵدانى موشەکانیان دۆزیوەتەوە.    

 

هێرشەکە دواى کەمتر لە هەفتەیەک دێت لە هێرشەکەى ئەمریکا بۆ سەر چەند پێگەیەکى گروپە چەکدارەکان لەسەر سنورى عێراق و سوریا، لە تۆڵەى هێرشە موشەکییەکانى بەغدا و هەولێر.