گه‌ڕان

Shadow Shadow
سیاسه‌تی

دواى هێرشە موشەکییەکە پاپا لەبارەى سەردانەکەى بۆ عێراق خۆى یەکلاکردەوە

2021.03.03 - 15:04
App store icon Play store icon Play store icon
دواى هێرشە موشەکییەکە پاپا لەبارەى سەردانەکەى بۆ عێراق خۆى یەکلاکردەوە

ناس کورد-

 

پاپا فرانسیس سوربونى خۆى نیشاندا لەسەر سەردانیکردنى عێراق، دواى هێرشە موشەکییەکەى ئەمڕۆ کە بنکەى سەربازى عەین ئەسەدى لە ئەنبار کردە ئامانج.

کەناڵی ناس کورد لە تێلیگرام جۆین بکە   

 

بەپێی ئاژانسى "رۆیتەرز" کە "ناس کورد" بەدواداچوونى بۆ کردووە، پاپا ئەمڕۆ چوارشەممە رایگەیاندووە، سەردانەکەى بۆ عێراق ئەنجام دەدات، ناکرێت بۆ جارى دووەم خەڵک بێهیوا بکەن، دواى ئەوەى پاپاى کۆچکردوو ساڵى 2000 نەیتوانى بچێتە عێراق.

 

بەپێی بەرنامەى سەردانەکەى، بڕیارە رۆژى هەینى 5ی شوبات پاپا بگاتە فڕۆکەخانەی بەغدا و لەلایەن مستەفا کازمی، سەرۆک وەزیرانی عێراقەوە پێشوازی لێ دەکرێت، پاشان دەچێتە کۆشکی کۆماری و لەلایەن بەرهەم ساڵح، سەرۆک کۆماری عێراق پێشوازی لێ دەکرێت، پاشان لەگەڵ دار و دەستەکەى دەچنە کڵێسای "سيّدة النجاة" لە بەغدا و لەگەڵ پیاوانی ئاینی مەسیحی عێراق کۆدەبێتەوە.  

  

بۆ ڕۆژی شەممە (6ی ئازار) پاپا دەچێتە نەجەف و چاوی بە عەلی سیستانی، مەرجەعی باڵای شیعەکانی عێراق دەکەوێت، پاشان دەچێتە شاری شوێنەواری ئور.  

  

هەروەها ڕۆژی یەکشەممە (7ی ئازار) پاپا سەردانی هەولێر دەکات و لە فڕۆکەخانەی نێودەوڵەتی هەولێر لەلایەن بەرپرسانی حکومی و سیاسیی و ئاینی هەرێمی کوردستان پێشوازی لێ دەکرێت، پاشان دەچێتە موسڵ و لەوێ نوێژ لەسەر قوربانیان شەڕ دەکات و پاشان دەچێتە کڵێسای گەورەی "الطاهرة" لە قەرەقوش، پاشان دەگەڕێتەوە بۆ هەولێر و ئاهەنگی ئاینی مەسیحی لە یاریگای "فرانسۆ حەریریی" دەگێڕدرێت.  

  

ڕۆژی 8ی ئازار پاپا دەگەڕێتەوە بۆ فڕۆکەخانەی بەغدا و ڕێوڕەسمی خواحافیزی بەڕێوەدەچێت و دەگەڕێتەوە بۆ ئیتاڵیا.