گه‌ڕان

Shadow Shadow
سیاسه‌تی

ئەنجومەنى پارێزگاى سلێمانى: راستاندنى بەڵگەنامەکان لەلایەن هەولێرەوە قبوڵ ناکەین 

2021.03.03 - 13:22
App store icon Play store icon Play store icon
ئەنجومەنى پارێزگاى سلێمانى: راستاندنى بەڵگەنامەکان لەلایەن هەولێرەوە قبوڵ ناکەین 

ناس کورد-

 

ئەنجومەنى پارێزگاى سلێمانى رایگەیاند، بەتەواوى ئەو بڕیارە رەتدەکاتەوە کە دەرکراوە بۆ راستاندنى نوسراو و بەڵگەنامەکانى پارێزگاکە لەلایەن ئەنجومەنى پارێزگاى هەولێرەوە.

کەناڵی ناس کورد لە تێلیگرام جۆین بکە   

 

ئازاد حەمەئەمین سەرۆکی ئەنجومەنی پارێزگای سلێمانی لە کۆنگرەیەکی ڕۆژنامەوانیدا کە "ناس کورد"بینیویەتى (3ی ئازاری 2021) ڕایگەیاند، لە کۆبوونەوەی ئەمڕۆی سەرۆکایەتی ئەنجومەن و سەرۆکی فراکسییۆنەکان و سەرۆکی لیژنە هەمیشەییەکانی ئەنجومەنی پارێزگای سلێمانی دوو بابەت تاوتوێکراون.

 

رونیشیکردەوە، یەکێک لە بابەتەکان تایبەتە بە نوسینگەی ڕاستاندنی سلێمانی کە هەندێک بڕیاری بۆ هاتووە لە فەرمانگەی پەیوەندیەکانی دەرەوەو داواکرا بۆ ڕاستاندنی ئەو نوسراو و دۆکیۆمێنتانەی کە پەیوەندی بە هەموو لایەنەکانەوە هەیە لە ئەنجومەنی پارێزگاو ژوری بازرگانی و لایەنە پەیوەندیدارەکان دیکە ببریتەوە بۆ ئەنجومەنی پارێزگای هەولێرو ئەوانەشی تایبەتە بە ژورە بازرگانییەکانەوە لە هەولێرەوە ڕاستاندنی بۆ بکرێت.

 

ئازاد حەمەئەمین وتیشى "هەردوو ئەنجومەنەکە بەپێی یاسا یەک دەسەڵاتیان هەیەو دەیانەوێت ئەم دەسەڵاتانە وەربگرنەوە کە جێگەی سەرسوڕمانە، وەکو ئەنجومەنی پارێزگای سلێمانی سەد لە سەد ڕەتیدەکەینەوەو ئەو کارەش بەدژی لا مەرکەزیەتی دەزانین کە پێشتر حکومەتی هەرێم لەکارنامەکەی باسی کردووە". 

 

باسى لەوەشکرد، بابەتەکەى دیکە تایبەتە بەفەرمانێکی وەزارەتی ناوخۆ لە 11-2-2021 وە 22-2-2021 جەختی لێکراوەتەوەو وێنەیەکی نوسراوەکە وێنەیەکی نوسراوەکە ڕەوانەی پارێزگاکان و ئیدارە سەربەخۆکان کراوە.

 

ئازاد حەمەئەمین ئەوەشى خستەڕوو، لەم فەرمانەی وەزارەتی ناوخۆ لیژنەیەک لە 6 کەس پێکهێنراوە کە بەشێک لە ئەندامانی لیژنەکە پەیوەندی بە پەیمانگای بەرگری شارستانی هەیەو ڕاسپێردراون بۆ پێدانی مۆڵەت بە هۆتێل و مۆتیل و بەنزینخانە و هاوشێوەکانی کە دەبێت مۆڵەتەکە پێشوەختە لەم لیژنەیە وەربگیرێت بۆ جێبەجێکردنی ڕێککارەکانی تایبەت بە سەلامەتی.

 

 "ئێمە پێمان وایە ئەمە دژی لامەرکەزیەتە و دژی بڕیارەکانی سەرۆکی حکومەت و سەرۆک وەزیرانە ک خۆیان ئاماژەیان پێکردووە کە لە کابینەی نۆیەم بەرنامەی لامەرکەزی کارگیڕی هەیەو ئەمەش دەسەڵاتی کارگێڕییەو دەبێتە زیادبوونی ڕۆتین و بارگرانی لەسەر ئەو کەسانەی داوای مۆڵەت دەکەن" ئازاد حەمەئەمین وایوت.