گه‌ڕان

Shadow Shadow
سیاسه‌تی

وردەکاریی

’’رفاندن و پەلامار’’..وادەى داخستنى عەلوەى سلێمانى دیاریکرا

2021.03.03 - 11:54
App store icon Play store icon Play store icon
’’رفاندن و پەلامار’’..وادەى داخستنى عەلوەى سلێمانى دیاریکرا

ناس کورد-

 

سەرۆکى سەندیکا و ژمارەیەک لەخاوەنکارەکانى عەلوەى سلێمانى هۆشدارى دەدەن کە ئەگەر هێرش و پەلامارەکان بۆ سەر شۆفێر و بارهەڵگرەکانیان چارەسەر نەکرێت لەڕۆژى هەینی یەوە عەلوەکە دادەخەن.

کەناڵی ناس کورد لە تێلیگرام جۆین بکە   

 

ماوەى چەند رۆژێکە شۆفێرانى عەلوەى سلێمانى کە لە دەروازە سنورییەکانەوە سەوزە و میوە دەگوازنەوە عەلوەکە روبەڕووى گرفت بونەتەوە و هەشت شۆفێریان بۆ ماوەیەک رفێنران و دواتر ئازادکران.

 

لەکۆنگرەیەکى ڕۆژنامەوانیدا کەپەیامنێرى "ناس کورد" ئامادەى بوو، سەروەر عەلى سەرۆکى سەندیکاى عەلوەى سلێمانى ڕایگەیاند "ئۆتۆمبیلەکانى ئێمە هاریکارى شۆفێرەکانى مەرزەکانى ترى کردووە بەتایبەتى مەرزى باشماخ بەڵام ماوەیەکە کێشە گرفت بۆ شۆفێرەکانمان دروستدەکەن".

 

وتیشى "سلێمانى چەند ساڵێکە بووەتە سەنتەرێکى بازرگانى بۆ هەموو عێراق و بەهەر هۆکارێکەوە بێت دەیانەوێت ئەو سەنتەرە تێکبدەن".

سەروەر عەلى جەختى لەسەر ئەوەشکردەوە، ئەگەر بەدەم داوکارییەکانیانەوە نەچن ئەوا ئیش و کارەکانیان ڕادەگرن، ئەوەش کاریگەرى خراپى بۆ سەر خەڵکى و نرخ دەبێت کە ئەوان پێیان خۆش نیە ئەوە ڕوبدات.

 

سەرۆکى سەندیکاى عەلوەى سلێمانى ئەوەشى خستووەتە ڕوو، ژمارەیەک لەشۆفێرانى مەرزى باشماخ بەشێوەیەکى "عەشایەرى" کێشەیان بۆ دروستدەکەن و تا لایەنى حکومى نەچنە سەر خەت و ئاسایشى  سەرو ماڵى شۆفێرەکانیان زامن نەکات لەڕۆژى هەینیەوە عەلوەکە دادەخەن.

 

ڕۆژی یەکشەممە 28ی شوباتی 2021، ژمارەیەک شۆفێری بارهەڵگر لە بەردەم بینای پارێزگای سلێمانی گردبوونەوە و ڕایانگەیاند، کاسبکارانی عەلوەی سلێمانی بارەکانی دەروازەی سنوریی سەیرانبەن و شوشمێ-یان قۆرخ کردووە و ڕێگە بەوان نادەن لە دەروازەکە کاربکەن و دوایانکرد، کێشەکەیان بۆ چارەسەر بکرێت.  

  

دوای دوو ڕۆژ، لە لافیتەیەكی گەورەدا، كە بە دیواری عەلوەی سەوزە و میوەی شاری سلێمانیدا هەڵواسراوە، كاسبكارانی عەلوەکە نوسیویانە، "لەبەر نەبوونی ئەمنیەتی بارهەڵگرەكانمان و سەلامەتی گیانی هەموولایەك لەڕێگای مەرزەكان لە ڕۆژی هەینی 5ی ئادارەوە دەرگاكانی عەلوە دادەخەن."  

 

یەکێک خاوەن کارەکان لەعەلوەى سلێمانى بەناس کوردى ڕاگەیاند" ماوەیەکە کۆمەڵێک کەس پەیدا بوون نازانین سەر حزبن یاخود سەر بەکێن، لەمەرزى باشماخەوە ڕێگەى لەئۆتۆمبێلەکانمان دەگرن و زیانى پێدەگەیەنن و جامى دەشکێنن و چەند ڕۆژێک پیش ئێستا ئۆتۆمبێلێکمان بەشۆفێرەکەیەوە ڕفێنراوە".

 

ئەو خاوەنکارە دەشڵێت، ئەوانە هەڕەشەى ئەوەمان لێدەکەن کە نابێت نەلەمەرزەکانى تەویڵە نە لەسەیرانبەند و نەلەو سنورەدا کاربکەن .

 

وتیشى بڕیاریانداوە شەوى هەینى وەکو ناڕازایەتییەک عەلوەى سلێمانى دابخەن ئەگەر بۆ مانگێکیش بێت.

خاوەنکارێکى تر لەعەلوەى سلێمانى بەناس کوردى ڕاگەیاند "ئێمە هیچ کێشەیەکمان لەگەڵ مەرزى باشماخدا نیە، بەڵام کاتێک بارەکان بۆ خوارووى عێراق کەم دەبێتەوە و مەرزەکە بارهەڵگرى تێدا کەمدەکات ئەوکات پەلامارى ئێمە دەدەن"

 

جەختى لەسەر ئەوەشکردەوە، ئەگەر ئەو دۆخە چارەسەر نەکرێت لەلایەن حکومەتەوە ئەوا ڕۆژى هەینى عەلوەکە دادەخەن.