گه‌ڕان

Shadow Shadow
سیاسه‌تی

نرخی نەوت

ئۆپێک مژدە دەدات: بازاڕى نەوت هاوسەنگی بۆ دەگەڕێتەوە

2021.03.02 - 21:45
App store icon Play store icon Play store icon
ئۆپێک مژدە دەدات: بازاڕى نەوت هاوسەنگی بۆ دەگەڕێتەوە

ناس کورد-

سەرۆکى ڕێکخراوى وڵاتە هەناردەکارەکانى نەوت ناسراو بە "ئۆپێک" مژدەى ئەوە دەدات کە دواى ئەوەى بەهۆى کەمبوونەوەى خواست لەسەرى و دابەزینی نرخەکەی بەهۆى کۆرۆنا، بازاڕى نەوت هاوسەنگی خۆى بۆ دەگەڕێتەوە.

 

کەناڵی ناس کورد لە تێلیگرام جۆین بکە   

 

دیامانتینۆ ئۆزیفیدۆ، سەرۆکى ڕێکخراوى ئۆپێک (2ى ئازارى 2021) لە لێدوانێکى ڕۆژنامەوانیدا باسى لەوەکردوە، نرخى نەوت بەشێوەیەکى ڕێژەیى جێگیرە و خواست لەسەر نەوت و خستنەڕوو تاڕادەیەکی زۆر هاوسەنگن.

 

ڕوونیشیکردوەتەوە، بەهۆى پەتاى کۆرۆناوە کە جیهانى پێدا تێپەڕى و لەگەڵ هاتنى شەپۆلى نوێى پەتاکە، دەبینین کە خواست لەسەر نەوت کەم دەکات ئەوەش بەهۆى ڕێوشوێنەکانى کەرەنتینەوە.

 

سەرۆکى ڕێکخراوى ئۆپێک باسى لەوەشکردوە، بە دڵنیاییەوە خواست لەسەر نەوت زیاد دەکات، ئەوەش بەهۆى دابەشکردنى ڤاکسینەکانى دژە کۆرۆنا لە جیهاندا و بازاڕى نەوت باڵانسى خۆى بەدەستدەهێنێتەوە.

 

لەئێستا نرخی یەک بەرمیل نەوتی برێنت بە 63.50 دۆلار مامەڵەی پێوە دەکرێت، هەروەها یەک بەرمیل نەوتی خاوی تەکساسیش بە 60.64 دۆلار دەفرۆشرێت.