ناس کورد-
کەناڵێکى ئەمریکى گرتەى ڤیدیۆیى موشەکەکانى ئێرانى بۆ سەر بنکەیەکى سەربازیی ئەمریکا لە عێراق بڵاوکردەوە کە لە سەرەتاى ساڵى ڕابردوو لە تۆڵەى کوشتنى قاسم سولەیمانى فەرماندەى پێشووى فەیلەقى قودس ئەو بنکەیەی بۆردومان کرد.
کەناڵی ناس کورد لە تێلیگرام جۆین بکە
گرتەکە کەناڵى "CBS NEWS" بڵاویکردوەتەوە و تێیدا موشەکە بالستیەکانى ئێران لە بنکەى سەربازى "عین الاسد" دەکەونە خوارەوە، لەو بنکەیەکدا نزیکەى دوو هەزار سەربازى ئەو وڵاتەى تێدا بووە، ئەوەش گەورەترین هێرشى موشەکى بووە دژى هێزەکانى ئەمریکا.
بەپێى کەناڵەکە، فڕۆکەیەکى بێفڕۆکەوان گرتە ڤیدیۆییەکانى تۆمار کردوە و تێێدا دەردەکەوێت کە سەربازانى ئەمریکا بەهۆى موشەکەکانەوە هیچیان پێنەکراوە، جگە لە هەڵاتن و خۆشاردنەوە، هەر موشەکەى کڵاوەیەکی هەڵگرتبوو کە زیاتر لە هەزار تۆن مادەی تەقینەوە بووە.
کەناڵی CBS NEWS لە زارى سەربازانى ئەمریکاوە بڵاویکردوەتەوە، پێش کەوتنەوەى موشەکەکەکان زیاتر لە 50 فڕۆکە و هەزار سەرباز شوێنەکەیان جێهێشتووە، باشترین ناوچەش بۆ خۆپاراستن لەناو سەربازگەکەدا ئەو پەناگەیە بووە کە لە سەردەمى سەدام حسێن دیکتاتۆرى پێشووى عێراق دروستکرابوو، بەڵام چونکە بەشى هەمووانى نەکردووە، بەشێک لە سەربازەکان نێردراونەتە بیابانەکانى نزیک و لە مەودایەکى پارێزراوەوە سەیرى هێڕشەکە موشەکیەکەیان کردووە.
Full U.S drone footage of the Iranian ballistic missile attack on Ain Al Assad Air Base in #Iraq, Jan. 8 2020. pic.twitter.com/jDDyUhS7eb
— IntelOmarion (@IntelOmarion) March 1, 2021
هێرشەکە کە 8ى کانونى دووەمى 2020 ڕویدا و تێیدا ئێران ژمارەیەک موشەکى گرتە سەربازگەى "عین الاسد"، بەپێى زانیاریەکانى وەزارەتى بەرگرى ئەمریکاش کوژراوى لێنەکەوتووەتەوە و تەنها 109 سەرباز تووشى شڵەژانى مێشک بوون.
“The only thing I can actually come up with is that the hand of God protected us… nobody should have lived through this,” says Army Major Alan Johnson about the night in January 2020 when Iranian ballistic missiles rained down on a U.S. airbase in Iraq. https://t.co/QbbRizRZ79 pic.twitter.com/htYJL7LiTd
— 60 Minutes (@60Minutes) March 1, 2021
هێرشەکە لە تۆڵەى کوشتنى قاسم سولەیمانى بوو کە چەند ڕۆژێک پێش ئەوە لەلایەن فڕۆکە بێفڕۆکەوانەکانى ئەمریکاوە لە شارى بەغدا کوژرا، ئەوەش دواى ئەوەى ئەمریکا چەندین جار سولەیمانى بەوە تۆمەتبار کردبوو کە دەستى هەیە لە کوشتنى زیاتر لە 600 سەربازى ئەمریکى، هەروەها پلانى داناوە بۆ ئەنجامدانى چەندین هێرش بۆ سەر سەربازان و بەرژەوەندیەکانى ئەمریکا.
