گه‌ڕان

Shadow Shadow
سیاسه‌تی

لێدوانی وەزیری دارایی لەبارەى گۆڕینی نرخی دۆلار

2021.03.02 - 20:17
App store icon Play store icon Play store icon
لێدوانی وەزیری دارایی لەبارەى گۆڕینی نرخی دۆلار

ناس کورد-

عەلی عەلاوی، وەزیری دارایی عێراق ڕایگەیاند، نرخی دۆلار بەرامبەر دینار بڕیارێکی حکومییە و پەیوەندی بە وەزارەتی دارایی و بانکی ناوەندییەوە هەیە و "ناکرێت ڕۆژانە بگۆڕدرێن."

 

کەناڵی ناس کورد لە تێلیگرام جۆین بکە   

 

عەلی عەلاوی لە میانی چاوپێکەوتنێکیدا لەگەڵ تەلەفزیۆنی فەرمیی عێراقییە کە "ناس کورد" بەدواداچوونی بۆ کردووە (2ی ئازاری 2021) دەڵێت، "گۆڕینی نرخی دۆلار دوای چەند مانگێک لە توێژینەوە و گفتوگۆ بڕیاری لەسەر دراوە، لەگەڵ لایەنی ناوخۆیی و دەرەکی قسە کراوە، ئەو نرخە زۆر گرنگە و ناکرێت ڕۆژانە بەپێی خواستی و ئارەزووی خۆمان بگۆڕدرێت."

 

وەزیری دارایی جەختی کردەوە کە "لەئێستادا بازاڕ نرخی نوێی دۆلاری قبوڵ کردووە، ئەوەش دوای ساڵی تر هانی زیاتری کەرتی تایبەت دەدات و یەدەگی نەختینەیش زیاد دەکات."

 

وتیشی، نرخی دۆلار بەهۆی توێژینەوە و گفتوگۆکانمان بووە لەگەڵ بانکی ناوەندی و سندوقی نەختی نێودەوڵەتی و لایەنە عێراقییەکانی تر و فراکسیۆن و سەرۆکایەتی پەرلەمان."

 

عەلی عەلاوی جەختی کردەوە کە "ئەو نرخە زۆر باشە و کاریگەرییەکی زۆر باشی هەبووە بۆ زیادکردنی داهاتی حکومەت و کۆنتڕۆڵکردنی مەزادی دراو، یەدەگی بانکی ناوەندی زیادی کردوە دوای ئەوەى لە بەردەم داڕوخانی گەورەی ئابورییدا بووین."

 

جەختی کردەوە کە "هەندێک لایەن سودیان لە گۆڕینی نرخی دۆلار کردووە و هەندێکیش زیان، حکومەت هەوڵ دەدات ئەو زیانە کەم بکاتەوە بە تایبەت ئەو بەڵێندەرانەی کە لەگەڵ دەوڵەتدا بە دینار مامەڵەیان کردووە، هەروەها ئەوانەشی بە دۆلار کردوویانە."