گه‌ڕان

Shadow Shadow
سیاسه‌تی

بەپەلە

وەزارەتی پەروەردە تاقیکردنەوە بەراییەکانی دواخست و کۆمەڵێک بڕیاری دەرکرد

2021.03.02 - 19:11
App store icon Play store icon Play store icon
وەزارەتی پەروەردە تاقیکردنەوە بەراییەکانی دواخست و کۆمەڵێک بڕیاری دەرکرد

 ناس کورد-

وەزارەتی پەروەردەی هەرێمی کوردستان گۆڕانکاری لە ساڵنامە و کاتی دەستپێک و کۆتایی وەرزەکانی خوێندن و تاقیکردنەوەکان کرد و وادەی تاقیکردنەوە بەراییەکانی پۆلی 12ی ئامادەیی بۆ بەشەکانی زانستی، وێژەیی، پیشەیی و ئیسلامی بۆ ساڵی خوێندنی 2020-2021 دواخست.

کەناڵی ناس کورد لە تێلیگرام جۆین بکە   

 

لە نوسراوێکی بەڕێوەبەرایەتیی گشتیی ئەزموونەکان لە وەزارەتی پەروەردە حکومەتی هەرێمی کوردستان، کە ئەمڕۆ سێشەممە 2ی ئاداری 2021 بڵاوکراوەتەوە، هاتووە، "لەبەر بەرژەوەندیی گشتیی قوتابیان و خوێندکاران بڕیارماندا بە دواخستنی تاقیکردنەوە بەراییەکانی ساڵی خوێندنی 2020-2021 بۆ رۆژی دووشەممە رێککەوتی 8/3/2021 بە هەمان زنجیرەی خشتەی تاقیکردنەوە بەراییەکان".

 

هاوکات لە نوسراوێکی دیکەی بەڕێوەبەرایەتیی گشتیی ئەزموونەکاندا ماوەی دەوامکردنی قوتابیان و خوێندکارانی بەپێی وەرزەکان بۆ ساڵی خوێندنی 2020-2021 خراوەتەڕوو.

 

تایبەت بە قۆناغەکانی 1 و 2ی بنەڕەتی، وەزارەتی پەروەردە بڕیاریداوە، تاوەکو رێککەوتی 29/4/2021 وەرزی یەکەم بخوێنن، لە 1/5/2021 تاوەکو رێککەوتی 1/8/2021 وەرزی دووەم دەخوێندرێت.

 

هاوکات لەبارەی قۆناغەکانی 3ی بنەڕەتی تاوەکو  11ی ئامادەیی، وەزارەتی پەروەردە بڕیاریداوە، لە رێککەوتی 1/4/2021 وەرزی یەکەم تەواو بکەن. لە 23/3/2021 تاقیکردنەوەی کۆتایی وەرزی یەکەم دەستپێدەکات تاوەکو رێککەوتی 1/4/2021، هەروەها لە 3/4/2021 دەست بە خوێندنی وەرزی دووەم دەکرێتەوە و لە 20 تاوەکو 30/6/2021یش تاقیکردنەوەی خولی یەکەمی وەرزی دووەم ئەنجام دەدرێت.