گه‌ڕان

Shadow Shadow
سیاسه‌تی

وردەکاریی

فەرماندەیەکى ئەمریکى ’’ئەگەرێکى راستەقینەى بۆ هەڵگیرسانى شەڕ لەگەڵ ئێران’’ ئاشکراکرد

2021.03.02 - 11:07
App store icon Play store icon Play store icon
فەرماندەیەکى ئەمریکى ’’ئەگەرێکى راستەقینەى بۆ هەڵگیرسانى شەڕ لەگەڵ ئێران’’ ئاشکراکرد

ناس کورد-

 

جەنەراڵێکى ئەمریکى رایگەیاند، لەئەگەرى چۆڵنەکردنى خێراى بنکەى سەربازى ئەسەد لە عێراق لەکاتى هێرشە موشەکییەکەى ئێران لەساڵى رابردوودا کارەساتێکى گەورە دەخوڵقا و پەلیدەکێشا بۆ شەڕى نێوان واشنتن و تاران.

کەناڵی ناس کورد لە تێلیگرام جۆین بکە   

 

جەنەرال فرانک ماکینزى لەسوپاى ئەمریکا ئاماژەى بەوەکردووە، ئەگەر پلانى چۆڵکردنەکە بەخێرایی جێبەجێنەکرایە، 100- 150 سەرباز دەکوژراون، لەگەڵ تێکشکانى 20- 30 فڕۆکە، ئەوەش بەپێی کەناڵى "سکاى نیوز" کە "ناس کورد" ئەمڕۆ سێشەممە بەدواداچوونى بۆ کردووە.

 

دەشڵێت، ئەگەر بەخێرایی فەرمانى چۆڵکردنى بنکەکە جێبەجێنەکرایە شەڕى نێوان تاران و واشنتن هەڵدەگیرسا.

هێرشەکە ساڵى رابردوو لەلایەن ئێرانەوە کرایە سەر بنکەى ئاسمانى ئەسەد لە عێراق کە 2000 سەربازى ئەمریکى لێجێگیرە، ئەوەش لە تۆڵەى کوژرانى قاسم سولەیمانى و ئەبو مەهدى موهەندیس لەلایەن ئەمریکاوە.

 

ماکینزى دەڵێت، بەهۆى هێرشەکەوە 100 سەربازى ئەمریکى بەسوکى برینداربوون، پلانى تۆڵەکردنەوەش هەبووە بۆ ئەگەرى کەوتنەوەى کوژراوى زۆر.

 

قسەکانى ئەو جەنەراڵە ئەمریکییە دواى بڵاوکردنەوەى گرتەیەکى ڤیدیۆیی نوێ هات کە تێیدا دیمەنى موشەکبارانکردنى بنکەکە پیشان دەدات.