گه‌ڕان

Shadow Shadow
سیاسه‌تی

’’دەدرێنە دادگا’’

کازمی: موشەک هاوێژەکان دەستگیرکراون

2021.03.01 - 18:04
App store icon Play store icon Play store icon
کازمی: موشەک هاوێژەکان دەستگیرکراون

ناس کورد-

سەرۆک وەزیرانی عێراق ڕایگەیاند، ئەوانەی هێرشی موشەکی دەکەن، کۆمەڵێک کەسی یاخیین لە یاسا و ئەوانەی تێوەگلاون لەو هێرشانەدا دەستگیرکراون.

کەناڵی ناس کورد لە تێلیگرام جۆین بکە   

 

لە دیمانەیەكدا لەگەڵ ژمارەی ئەمڕۆی شەرقولئەوسەتی چاپی لەندەن، (1 شوباتی 2021) كە "ناس كورد" بەدواداچوونى بۆكردووە، مستەفا کازمی، سەرۆک وەزیرانی عێراق وتوویەتی "کەس ناتوانێت لەبری دەوڵەت بڕیاربدات، ئەوانەی هێرشی موشەکی دەکەن کۆمەڵێک کەسی یاخبوون لە یاسا، هەندێک لایەن دەیانەوێت کارتەکان تێکەڵ بکەن".

 

وتیشى، "ئەوانەی تێوەگلاون لە هاویشتنی موشەکەکان دەستگیرکراون، دوای تەواوبوونی لێکۆڵێنەوەکان ڕادەستی دادگا دەکرێن، هەر دەستدرێژییەک بۆ سەر شکۆی دەوڵەت بە توندی وەڵام دەدرێتەوە".

 

کازمی ئەوەشی خستووەتەڕوو، "بەهیچ شێوەیەک ڕێگە نادەن خاکی عێراق بەکاربهێنرێت بۆ ئاڕاستەکردنی پەیامی سیاسی لەڕێگەی هاویشتنی ڕوکێت و موشکەوە".

 

مانگى ڕابردوو چەند جارێک هێرشى موشەى کرایە سەر ناوچەى سەوزى بەغدا و فڕۆکەخانەى نێودەوڵەتى هەولێر، بەهۆیەوە بەڵێندەرێکى بیانى کوژرا و نۆ کەسى دیکە برینداربوون کە ژمارەیەکیان ئەمریکین.

 

لەتۆڵەى ئەو هێرشانەدا ئەمریکا کۆتایی هەفتەى رابردوو بۆردومانى چەند پێگەیەکى گروپە چەکدارەکانى سەر بە ئێرانى کرد لەسەر سنورى سوریا و عێراق.