گه‌ڕان

Shadow Shadow
سیاسه‌تی

سەدر بۆ لایەنگرەكانی: وا بكەن بەشداری هەڵبژاردن ناكەم

2021.03.01 - 16:48
App store icon Play store icon Play store icon
سەدر بۆ لایەنگرەكانی: وا بكەن بەشداری هەڵبژاردن ناكەم

ناس کورد-

موقتەدا سەدری رێبەری ڕەوتی سەدر لە رێگای وەزیرەكەیەوە هۆشداریدا بە لایەنگرانی ئەگەر ناكۆكییەكانیان وەك ئێستا بەردەوام بێت ئەوە رەنگە ڕەوتەكەی دووربخاتەوە لە هەڵبژاردنی داهاتوو بۆ ئەوەی ناوبانگی لەكەدار نەبێت. 

کەناڵی ناس کورد لە تێلیگرام جۆین بکە   

 

وەزیری متمانەپێكراوی سەدر ساڵح محەمەد ئەلعێراقی لە راگەیەنراوێكدا لە پەیجەكانی خۆی لە تۆڕە كۆمەڵایەتییەكان كە "ناس كورد" بەدواداچوونی بۆ كردووە (1 ئازارى 2021)، باس لە گفتوگۆیەكی خۆی و سەدر دەكات لەبارەی هەڵكشانی ناكۆكییەكانی "خێزانی سەدریی"، ئەویش وتویەتی "ئاگام لە هەواڵەكان هەیە و دۆخەكە زۆر بێهیواكەرە و زۆر كاری تێكردووم".

 

هەروەها سەدر ئەوەشی وتووە "ئەگەر ناكۆكییەكان ئاوا بەردەوام بن ئەوە ناچارم ڕەوتی سەدر بەشدار نەكەم لە هەڵبژاردن چونكە ناوبانگی ڕەوتەكە لەوە گرنگترە".

 

بڕیارە هەڵبژاردنی پێشوەختەی عێراق لەمانگی ئۆكتۆبەری 2021 دا بەبەشداری دەوروبەری 250 حیزبی تۆماركراو و دەیان هاوپەیمانێتی جۆراوجۆر بەڕێوەبچێت و بەپێی لێدوانی سەركردەكانی ڕەوتی سەدر ئەوان بەتەمای بەدەستهێنانی زۆرینەن لەم هەڵبژاردنە بەڵام لیست و ركابەرەكانیتر پێیانوایە ئەوە ریكلامێكی پێشوەختەی ناڕاستە.