گه‌ڕان

Shadow Shadow
چیرۆكه‌كانمان

ناس کورد بڕی هەناردە و داهاتی 2018ی نەوتی هەرێم بڵاودەکاتەوە

لە 2018دا حکومەتی هەرێم بە بەهای شەش مووچەی فەرمانبەران تەنها نەوتی فڕۆشتووە

2019.05.30 - 20:46
App store icon Play store icon Play store icon
لە 2018دا حکومەتی هەرێم بە بەهای شەش مووچەی فەرمانبەران تەنها نەوتی فڕۆشتووە

کەناڵی ناس کورد لە تێلیگرام جۆین بکە   

ناس کورد-وریا حسێن هەرێمی کوردستان ساڵی 2018 بە بەهای زیاتر لە 7 ملیار و 914 ملیۆن دۆلار نەوتی فرۆشتوە، بەگوێرەی خەمڵاندنەکانیش %46ی کۆی داهاتی بۆ ماوەتەوە. . کۆمپانیای دیلۆیت ئەمڕۆ (پێنجشەممە 30 مایسی 2019) کۆتا ڕاپۆرتی وردبینیکراوی نەوتی بۆ ساڵی 2018 بڵاوکردەوە کە بە ( چارەکی چوارەم _ ئێچ 4) ناسراوە، ئەوەش لەکاتێکدایە پێشتر ئەو کۆمپانیا بیانیە سێ ڕاپۆرتی دیکەی بڵاوکردووەتەوە. . بەگوێرەی ئەو ئامارانەی لەناو هەر چوار ڕاپۆتەکەدا هاتووە، کۆی گشتی ئاستی هەناردە و بەکاربردن بۆ ساڵی 2018 لە 138 ملیۆن و 641 ملیۆن بەرمیل نەوت تێدەپەڕێت کە لەڕێگەی تەنکەر و بۆرییەوە هەناردە کراوە بۆ دەرەوە و بەشێکی لەناوخۆدا بۆ پاڵاوتگەکان و فرۆشی ناوخۆ دابین کراوە. . هەر بەگوێرەی ڕاپۆرتەکە چارەکی کۆتایی 2018ی هەرێمی کوردستان زۆرترین هەناردە و بەرکاربردنی هەبووە، کە دەگاتە سەرو 40 ملیۆن و 960 هەزار بەرمیل ئەوەش بەراورد بە چارەکی سێهەم 8% ئاستی بەرهەمی زیادیکردووە کە دەکاتە (5 ملیۆن و 208 هەزار و 901) بەرمیل نەوت بۆ کۆی مانگەکە. . هەر بەگوێرەی ئامارەکان، کۆی بەهای نەوتی فرۆشراوی هەرێمی کوردستان بۆ ساڵی 2018 زیاتر لە 7 ملیار و 914 ملیۆن و 800 هەزار دۆلار بووە، لەو بڕەش زیاتر لە 4 ملیار و 343 ملیۆن و 731 هەزار دۆلاری بۆ ماوەتەوە باقیەکەی کە 54% کۆی داهات دەکات ڕۆشتووە بۆ خەرجییەکانی نەوت و چەند پڕۆژەیەکی حکومەتی هەرێمی کوردستان، بەوپێیەش بێت هەرێم 46% داهاتی بۆ ماوەتەوە. . هەرێمی کوردستان لەچارەکی سێهەمی 2018دا زۆترین داهاتی هەبووە لەئاستی هەر چوار چارەکەکەدا، ئەوەش لەکاتێکدایە چارەکی چوارەمی 2018 زۆرترین نەوت هەناردەکراوە. . بەگوێرەی ڕاپۆرتەکەی دیلۆیت، هەرێمی کوردستان لەچارەکی یەکەمدا بەرێژەی ناوەندییەتی بەرمیلێک نەوتی بە 54 دۆلار و 817 سەنت فرۆشتووە، لەچارەکی دووەمدا ڕێژەکە بۆ 62 دۆلار و 854 سەنت بەرزکردووەتەوە، چارەکی سێهەمیش بووتە 63 دۆلار و 98 سەنت، بەڵام لەچارەکی چوارەمدا دابەزیووە بۆ 54 دۆلار و 197سەنت. . بەگوێرەی ڕاگەیەنراوی ئەنجومەنی وەزیران، کۆمپانیای دیلۆیت سەرباری وردبینیکردنی داهاتەکانی نەوت بۆ ساڵی 2018، بەردەوامی بەکارکردن دەدات لەو بوارە، ئەوەش بەواتای ئەوە دێت دیلۆیت سەرقاڵی وردبینکردنی داهاتی نەوتە بۆ ساڵی 2019. . پێشتر پەرلەمانتارانی کوردستان گومانیان خستە سەر ڕاپۆرتەکانی دیلۆیت، بەڵام بەشێک لەڕێکخراوەکان تایبەت بەو بوارە و ئەنجومەنی وەزیران "ڕاپۆرتەکانی دیلۆیت ئاستی شەفافیەتیان لەبارەی داهاتی نەوت بەرزکردووەتەوە، هەرچەندە ناتواترێت بوترێت راپۆرتەکان تاریکی نەوت لەکوردستان ڕونبکەنەوە". .