گه‌ڕان

Shadow Shadow
سیاسه‌تی

تایبەت

تەندروستى هەرێم ئەگەرى ’هەڵپەساردنى خوێندن’ ئاشکرادەکات

2021.02.28 - 22:01
App store icon Play store icon Play store icon
تەندروستى هەرێم ئەگەرى ’هەڵپەساردنى خوێندن’ ئاشکرادەکات

ناس کورد-

وەزارەتى تەندروستى هەرێم رایگەیاند، بۆ ئەم هەفتەیە پێناچێت بژاردەى داخستنى ناوەندەکانى خوێندن تاوتوێ بکرێت و بڕیارى لەسەر بدرێت، بەڵام ئەگەر هەیە بۆ هەفتەکانى دواتر بەشێوەیەکى کاتى پڕۆسەکە هەڵپەسێردرێت.

 

کەناڵی ناس کورد لە تێلیگرام جۆین بکە   

 

بڕیارە سبەینێ وەزارەتى تەندروستى و لیژنەى باڵاى بەرەنگاربوونەوەى کۆرۆنا لە هەرێم کۆبنەوە، بۆ تاوتوێکردنى دۆخى بڵاوبوونەوەى پەتاکە دواى هەڵکشانى دوبارەى ئامارەکان.

 

رەهێڵ فەرەیدون بریکارى وەزارەتى تەندروستى ئەمڕۆ (یەکشەممە) بە "ناس کورد"ى راگەیاند، کۆبوونەوەکانى لیژنەکە کراون بە هەفتانە لەکاتێکدا پێشتر دوو هەفتە جارێک یان مانگانە دەکرا، ئەوەش بەهۆى بڵاوبوونەوەى زیاترى پەتاکەوە کە زۆربەیان توشبووى کۆرۆناى گۆڕاون.

 

بڕیارە پێش کۆبوونەوەکەى لیژنەى باڵا وەزارەتى تەندروستى کۆبێتەوە بۆ ئامادەکردنى ئەو بژاردانەى کە دەیخاتە بەردەم لیژنەکە، لەناویاندا پێشنیارەکانى تایبەت بە پڕۆسەى خوێندن.

 

رەهێڵ فەرەیدون وتى "پێموانییە بڕیارى داخستن بۆ ئەم هەفتەیە بدرێت چونکە هێشتا ئامارەکان جێگەى مەترسی نین، بەڵام بەپێی هەڵسەنگاندنى دۆخەکە ئەگەر هەیە بۆ هەفتەکانى داهاتوو بڕیارى هەڵپەساردن بۆ ماوەیەکى کاتى بدرێت".

 

وتیشى، داوا لە وەزارەتى پەروەردە دەکەن بە کردەیی لیژنە رەوانەى قوتابخانەکان بکات، چونکە بەشێکیان پابەند نین بە ڕێنماییەکانەوە.