گه‌ڕان

Shadow Shadow
سیاسه‌تی

زانیاری زیاتر

گروپە چەکدارەکانی عێراق هەڕەشەی تۆڵە سەندنەوە لە ئەمەریکا و هاوکارەکانیان دەکەن

2021.02.27 - 22:35
App store icon Play store icon Play store icon
گروپە چەکدارەکانی عێراق هەڕەشەی تۆڵە سەندنەوە لە ئەمەریکا و هاوکارەکانیان دەکەن

ناس کورد-

دەستەی هەماهەنگی گروپەکانی بەرخودانی عێراق هەرەشەی تۆڵە سەندنەوەی ئەو هێرشە ئاسمانییەی ئەمەریکا دەکات کە کردیە سەر هێزەکانی لەسەر سنوریی نێوان عێراق و سوریا و ڕایگەیاند، لێپرسینەوە لەو کەسانە دەکات کە پێیان دەوترێت "نۆکەر".

کەناڵی ناس کورد لە تێلیگرام جۆین بکە   

 

 

بەگوێرەی ڕاگەیاندراوێکی دەستەکە (شەممە 27ی شوباتی 2021) کە وێنەیەکی دەست "ناس کورد" کەوتووە، ئاماژە بەوەکراوە، " تاوانی بە ئامانجگرتنی خاڵەکانی حەشدی شەعبی لەسەرسنورەکانی عێراق کە بۆ بەربەرەکانێی تیرۆرستان لەوێ دەجەنگن و بەرخودان دەکەن، بەئاسانی تێناپەرێت و باجەکەی قورس دەبێت".



دەستەی هەماهەنگی بەرخودانی عێراق ئەوەشی خستووەتەڕوو، " ئەو جۆرە کارانە دەبێتە هۆی نەهێشتنی هەموو ئەو لێکتێگەشتنانەی کە پێشتر لەگەڵ هەندێک لەلایەنە سیاسییەکاندا سازانی لەسەرکراوە، دوای ئەوەی بەڕوونی ئاشکرابوو کە ئەو جۆرە سازانانە بێ سوودن، بۆیە هەموویان هەڵدەوەشێنینەوە".

 

لەبەشێکی ڕاگەیەندراوەکەدا ئەوە هاتووە، "دەرفەت زۆر بەرتەسک بووەتەوە بۆ حکومەتی عێراق بۆ ئەوەی هەڵوێستی خۆی بە ڕوونی ئاشکرابکات لەبارەی دووبارە بوونەوەی پێشێلکردنی سەروەری خاکی عێراق، چ لەهێزە جۆراوجۆرەکانی داگیرکەر، چ لە وڵاتانی دراوسێ، یان لەلایەن هەندێ لە نۆکەرانی ناو ئەم حکومەتە کە پاساو بۆ تاوانەکانی هێزە داگیرکەرەکان دەهێننەوە یان داوای ئەنجامدانی تاوانی زیاتریان لێدەکەن و دەیانەوێت پێگەی عێراق بە کۆیلایەتی خۆیان کەمبکەنەوە".

 

ئاماژە بەوەشکراوە، "دەبێت ڕوونکردنەوەیەکی ڕوون و لێکۆڵینەوەیەکی پیشەیی ئەنجامبدرێت بۆ ئەوەی ئەو کەسایەتی و لایەنانە کە هاوکاری هێزی داگیرکەریان کردووە بۆ خەڵک ئاشکرا و ڕیسوابکرێن".

 

جەخت لەوەشکراوەتەوە، "ئەو تاوانە بەبێ وەڵامدانەوەیەکی توند  تێناپەڕێت و هەموو ئامانجەکانی داگیرکەران دووچاری تۆڵەی بەرخودانکاران دەبێتەوە".

 

بەرەبەیانی 25ی ئه‌م مانگه‌، سوپای ئەمەریکا لەکەنداو لەراگەیەنراوێکدا ئاشکرایکرد، لە رۆژهەڵاتی سوریا هێرشێکی ئاسمانییان کردوەتە سەر پێگەی هێزێکی چه‌كداری نزیك له‌ ئێران، ئەوەش لەوەڵامی هێرشکردنە سەر پێگەی هێزەکانیان لەعێراق.

 

روانگەی سوری بۆمافەکانی مرۆڤ بڵاویکردەوە، بەهۆی ئەو هێرشانەی ئەمەریکاوە بۆ سەر گروپێکی چەکدار لە سوریا 17 کەس کوژراون.