گه‌ڕان

Shadow Shadow
سیاسه‌تی

زانیاری زیاتر

سەرکردایەتییەکی پارتی: پاسەوانەکانی غالب محەمەد لە کوێ بوون ؟

2021.02.26 - 22:12
App store icon Play store icon Play store icon
سەرکردایەتییەکی پارتی: پاسەوانەکانی غالب محەمەد لە کوێ بوون ؟

ناس کورد-

ئەندامێکی سەرکردایەتیی پارتی هێرشکردنەسەر غالب محەمەد بە سیناریۆی هەڵبژاردن ناودەبات و دەڵێت، 15 پاسەوانی بندیواری هەیە و موچەیان دەخوات، ئەگەرنا پاسەوانەکانی لەکوێ بوون و بۆچی پێشیان نەگرت.

کەناڵی ناس کورد لە تێلیگرام جۆین بکە   

 

ئێوارەی ئەمڕۆ هەینی لە شاری سلێمانی بە چەقۆ هێرشکرایەسەر، غالب محەمەد، پەرلەمانتاری فراکسیۆنی گۆڕان لە بەغدا و بریندارکرا، ئەوەش کاردانەوەیەکی گەورەی دروست کرد و لە ئێستادا تەندروستیی جێگیرە.      

 

لەوبارەیەوە لە کۆمێنتێکیدا لە تۆڕی کۆمەڵایەتی فەیسبوک، ئەکاونتێک بەناوی عەلی عەونی، ئەندامی سەرکردایەتی پارتی کە شتەکانی ناوبراو بڵاودەکاتەوە نوسیویەتی، " ئەم غالبە دیارە 15 حیمایەی بندیواری ھەیە و مووچەیان دەخوات، ئەگینا حیمایەکانی لە کوێ بوون بۆ چی پێشیان نەگرت ؟."

 

ئاماژەی بەوەشکردووە، "یا ئەوەتا فیلمگەلی نزیک بوونەوەیە لە ھەڵبژاردن، چاوەڕێی فیلمی زیاتر و سەیرتر بکەن، بۆ دەنگھێنان پەنا دەبەنە بەر رێگا و شێوازی قێزەوەن، ئابرووی کوردستان و حکومەت و میللەتی خۆتان دەبەن بۆ دوو دەنگ."

 

دەشڵێت، "بە قسەی من دەکەی دەچییە بەردەرکی سەرا بانگ دەدەی بۆ کەمپینی نوێژ لەسەر کارتۆنی بیرە."

 

هاوکات، شوان داودی، بەرپرسی میدیایی یەکێتی لە کەرکوک، لە فەیسبوکی فەرمیی خۆی نوسیویەتی، "پێم سەیرە 16 پاسەوانت هەبێت و لەبەردەم ماڵەکەی خۆتدا بەر چەقۆ بدرێی."

 

ئەوە لەکاتێکدایە، لەدوای هێرشکردنەسەر ئەو پەرلەمانتارە، تاوەکو ئێستا هیچ لایەنێکی ئەمنیی سلێمانی هیچ ڕوونکردنەوەیەکیان لەوبارەیەوە نەداوە.

 

لە بەرامبەردا لە یەکەم هەڵوێستدا، قوباد تاڵەبانی، جێگری سەرۆکی حکومەتی هەرێمی کوردستان لە تویتێکدا ڕایگەیاند، "ئیدانەی هێرشکردنە سەر پەلەمانتار غالب محەمەد دەکەم و سەرجەم دەزگا ئەمنییەکان ڕاسپێردراون لێکۆڵینەوەی ورد لە ڕووداوەکە بکەن و هێرشبەران ڕووبەڕووی یاسا بکەنەوە."      

  

ئاماژەی بەوەشکردووە،  لەپەیوەندییەکی تەلەفونیدا هەواڵی کاک غالبم پرسی و دڵنیام کردنەوە ئەم کارە ترسنۆکانە لە هیچ کەسێک قبوڵ ناکرێت."      

 

هاوکات لە ڕاگەیەنراوێکدا هاوپەیمانی هیوا لە پەرلەمانی عێراق ڕایگەیاند، "لەپێشهاتێکی چاوەڕوانکراودا، ئێوارەی ئەمڕۆ هاوڕێمان د.غالب محەمەد، ئەندامی ئەنجومەنی نوێنەرانی عیراق لەلایەن دەستێکی رەشەوە بە چەقۆ پەلاماردرا، ئەمەش لەکاتێکدا کە پێشتر دامەزراوە ئەمنیەکان لەئاستی هەرێم و عیراق ئاگادارکرابوونەوە کە بەهۆی ڕا و رەخنەکانی لەدەسەڵاتدارانی هەرێم، هەڕەشەی لێکراوە." 

 

ئاماژەی بەوەشکردووە، "ئێمە ئەم کردەوە نامەردانەیە ئیدانە و شەرمەزار دەکەین و داواکارین دامەزراوە ئەمنییەکانی هەرێم." 

 

ئەوەش هاتووە، "بەزووترین کات لێکۆڵینەوەی جدی لەرووداوەکە بکەن و ئەو دەستە رەشە و دەستەکانی تری پشتی بدۆزنەوە تا دواتر لەرێگەی دادگاوە بە سزای عادیلانەی خۆیان بگەن."