گه‌ڕان

Shadow Shadow
سیاسه‌تی

وردەکاریى

ئەمەریکا باس لە گرتنەبەرى فشارێکى نوێ دەکات دژ بە ئێران 

2021.02.26 - 12:46
App store icon Play store icon Play store icon
ئەمەریکا باس لە گرتنەبەرى فشارێکى نوێ دەکات دژ بە ئێران 

ناس کورد-

وتەبێژی وەزارەتی دەرەوەی ئەمەریکا ڕایگەیاند، فشارە توندەکانی وڵاتەکەی بۆ سەر ئێران لەڕابردوودا ئەنجامی پێچەوانەی بووە، بەجۆرێک وای لە دەسەڵاتدارانی ئێران کردووە زۆر نزیکتر بن لە بەدەستخستنی چەکی ئەتۆمی.

 

کەناڵی ناس کورد لە تێلیگرام جۆین بکە   

 

نید پرایس (26ی شوباتی 2021) لەلێدوانێکیدا بۆ میدیاکانی وڵاتەکەی کە"ناس کورد "بەدواداچوونی بۆ کردووە، ئاماژەی بەوەکردووە "ئەگەر تێڕوانین بۆ ئەنجامی سیاسەتی گوشاری توندی ئەمەریکا بکەین لەسەر ئێران، ئەوەمان بۆ دەردەکەوێت کە ئاکامی ئەو سیاسەتە بەپێچەوانەوە بووە کە دەبوو ببوایە بەمایەیی پەکخستنی پرۆگرامی ناوکی ئەو وڵاتە، بەڵام سیاسەتەکانی ئیدارەی دوناڵد ترەمپ، وایکردووە ئەو وڵاتە لەبەدەستخستنی چەکی ئەتۆمی نزیک بکاتەوە".

 

پرایس ئەوەشی وتووە "فشارە توندەکان هاوکات نەبووە لەگەڵ چالاکی دیپلۆماسی، بۆیە تائێستا ئێمە لە جێگای خۆمان ڕاوەستاوین وهیچ نەچووینەتە پێشەوە".

 

ئەو دیپلۆماتکارە ڕونیشکردووەتەوە "لە ئێستادا ئێمە بەرەو ڕێڕەوێکی نوێ ڕۆیشتووین، دیپلۆماسییەکی زیرەک، لەگەڵ هاوکار وهاوپەیمانەکانمان".  

 

پرایس، ئەوەشی خستووەتەڕوو "گەڕانەوە بۆ گفتوگۆکان لەسەر بەرنامە ئەتۆمییەکەی ئێران ڕێگەمان بۆ خۆش دەکات بۆ ئەوەی بتوانین چەند ئامانجێکی  ستراتیژی گرنگ بەدەستبهێنین کە وا بکات ڕێگریی لە ئێران بکات کە نەتوانێت لە داهاتوودا چەکی ئەتۆمی فەراهەم بکات".  

 

وتەبێژەکەی وەزارەتی دەرەوەی ئەمەریکا، جەختیلەوەشکردووەتەوە "ئەگەر ئێران بگەڕێتەوە بۆ جێبەجێکردنی پابەندیبەکانی لە ڕێککەوتنەکەدا، ئەوا واشنتۆنیش هەمان هەنگاو دەنێت".