گه‌ڕان

Shadow Shadow
سیاسه‌تی

وردەکاریى

مەزڵوم کۆبانێ پەیامێک ئاراستەى جۆ بایدن دەکات

2021.02.26 - 12:03
App store icon Play store icon Play store icon
مەزڵوم کۆبانێ پەیامێک ئاراستەى جۆ بایدن دەکات

ناس کورد-

فەرماندەى گشتى هێزەکانى سوریاى دیموکرات پەیامێک ئاراستەى سەرۆکى ئەمەریکا دەکات و داواى لێکردووە کە هەڵەکانى ئیدارەى دۆناڵد ترەمپ راست بکاتەوە.

 

کەناڵی ناس کورد لە تێلیگرام جۆین بکە   

 

مەزڵوم کۆبانێ، فەرماندەى گشتى هێزەکانى سوریاى دیموکرات (هەسەدە) (26ى شوباتى 2021) لەمیانەى چاوپێکەوتنێکى لەگەڵ بەشى کرمانجى دەنگى ئەمەریکا کە "ناس کورد" بەدواداچوونى بۆ کردووە داواى لە جۆ بایدن، سەرۆکى ئەمەریکا کرد کە پاڵپشتى لە چارەسەرکردنى سیاسى دۆخى سوریا بکات و هەڵەکانى ئیدارەى ترەمپ لەو بارەیەوە راست بکاتەوە.

 

کۆبانێ هەروەها داواشى کردووە لە دانانى دەستورى نوێى سوریادا تایبەتمەندى ڕۆژئاواى کوردستان لەبەرچاو بگیرێت و گرەنتى بکرێت.

 

هاوکات لە بەشێکى ترى چاوپێکەوتنەکەدا کۆبانێ جەختى لەسەر ئەوە کردۆتەوە کە دەیانەوێت بە گفتوگۆ کێشەکانیان لەگەڵ ڕژێمى سوریا چارەسەر بکەن و نایانەوێت گرژى زیاتر لەو بارەیەوە دروست بکەن.

 

جەختیشى لەسەر ئەوە کردەوە کە دەیانەوێت بە گفتوگۆ مافەکانى کورد و سەرجەم پێکهاتەکانى تر لەسنورى ئیدارەى خۆسەریدا لەسوریاى داهاتوودا بچەسپێنرێت.