گه‌ڕان

Shadow Shadow
سیاسه‌تی

زانیارى زیاتر

پەروەردەیەک بڕیارى دامەزراندنى وانەبێژ دەدات 

2021.02.25 - 14:37
App store icon Play store icon Play store icon
پەروەردەیەک بڕیارى دامەزراندنى وانەبێژ دەدات 

ناس کورد-

لێپرسراوى هۆبەى خۆیەتى و میلاک لە بەڕێوەبەرێتى پەروەردەى شارەزور رایگەیاند، دەرچووانى چەند بەشێک دەتوانن سەردانى پەروەردەى قەزاکە بکەن بۆ وەرگرتنى فۆڕمى وانەبێژى.

 

کەناڵی ناس کورد لە تێلیگرام جۆین بکە   

 

نەبیل حەمە ساڵح، ‎لێپرسراوی هۆبەی خۆیەتی و میلاک لە بەڕێوەبەرێتی پەروەردەی شارەزوور (25ی شوباتی 2021) بە "ناس کورد"ی ڕاگەیاند، ‎ئاگاداری دەرچووانی بەشەکانی (بیرکاری) بۆ قۆناغی بنەڕەت و ئامادەیی دەرچووانی کۆلێژی پەروەردە و پەروەردەی بنەڕەت و پەروەردەی بنیات، (هونەر) دەرچووانی سەرجەم کۆلێژ و پەیمانگاکان، (زانست) بۆ قۆناغی بنەڕەت دەرچووانی کۆلێژی ‎پەروەردەی بنەڕەت و پەروەردەی بنیات، (عەرەبی) بنەڕەت دەرچوانی کۆلێژی پەروەردەی بنەڕەت و بنیات دەکەین لە ڕۆژانی (دووشەمە و سێشەممە) ڕێکەوتی 1 و 2ی ئاداری 2021 کاتژمێر 9:30 خولەک تاوەکو 12:30 خولەک سەردانی  هۆبەی خۆیەتی و میلاک لە پەروەردەی شارەزور بکەن، بەمەبەستی پڕکردنەوەی فۆڕمی وانەبێژی.

 

لەبارەى مەرجەکانیشەوە، لێپرسراوی هۆبەی خۆیەتی و میلاک لە بەڕێوەبەرێتی پەروەردەی شارەزوور ئاماژەى بەوە کرد پێویستە ئەو دەرچووەی داواکاری پێشکەش دەکات کارتی زانیاری شارەزور پێ بێت و دانیشتووی قەزای شارەزور بن، تەنها لەماوەی ئەو 2 ڕۆژدا فۆڕم دابەشدەکرێت و پێویستە پشتگیری دەرچوونی بەشەکەی ئامادەبکات لەکاتی گەڕاندنەوەی فۆڕمەکەدا.

 

جەختى لەوەشکردەوە، جگە لە دەرچووانی ئەو بەشانە لە ئێستادا فۆڕم بەھیچ بەشێکی تر نادرێت، لەبەرئەوەی بەشەکانی تر فۆڕمی ساڵی پاریان ماوە بەپێی ڕێنمایی بەڕێوەبەرایەتی گشتی پەروەردەی سلێمانی کار لەسەر فۆڕمی ساڵی پار دەکرێت.