گه‌ڕان

Shadow Shadow
سیاسه‌تی

بزانە بۆچی

قائیمقامییەتی سلێمانی 13 شوێنی خواردن و خواردنەوەی لە سەرچنار داخست

2021.02.23 - 22:41
App store icon Play store icon Play store icon
قائیمقامییەتی سلێمانی 13 شوێنی خواردن و خواردنەوەی لە سەرچنار داخست

ناس کورد-

به‌هۆی پابه‌ند نه‌بوون به‌ مه‌رج و رێنماییه‌كانی كاركردن، قائیمقامیه‌تی سلێمانی (13) شوێنی خواردن و خواردنه‌وه‌ی داخست.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا قائیمقامییەتی سلێمانی (سێشەممە 23ی شوباتی 2021) ڕایگەیاند، "به‌هۆی پابه‌ند نه‌بوون به‌ مه‌رج و رێنماییه‌كانی كاركردن به‌ گشتی و مه‌رجه‌كانی ته‌ندروستی و گه‌شتوگوزار به‌تایبه‌تی، لیژنه‌كانی قائیمقامیه‌ت به‌ هاوكاری به‌ڕێوه‌به‌رایه‌تی ئاسایشی سلێمانی (13) شوێنی خواردن و خواردنه‌وه‌ی له‌ گه‌ڕه‌كی سه‌رچناری شاری سلێمانی داخست."

 

ئاماژەی بەوەشکردووە، "هه‌ریه‌ك له‌ خواردن و خواردنه‌وه‌كانی (ره‌زان، ئه‌وین، ماڵی سێوه‌، VIP، كه‌رنه‌ڤاڵ شیراتۆز، سایه‌ گوڵ 2، ئیو، ڤین، شنه‌، چاینا، بیك سپینده‌ر و چاینینا) به‌ فه‌رمانی قائیمقامی سلێمانی سه‌رجه‌میان داخران و خاوه‌نه‌كانیشیان روبه‌ڕوی رێكاری یاسایی ده‌كرێنه‌وه‌."

 

قائیمقامیەتی سلێمانی ئەوەشی خستووەتەڕوو، "به‌سوپاسه‌وه‌ هێزه‌ ئه‌منییه‌كانی شاری سلێمانی به‌گشتی و به‌ڕێوه‌به‌رایه‌تی ئاسایشی سلێمانی به‌تایبه‌تی، به‌پێدانی زانیاری و سه‌ردانی به‌رده‌وامی لیژنه‌كان بۆ دوكان و بازاڕ و شوێنه‌ گشتییه‌كان هاوكاری ته‌واوی لیژنه‌كانی قائیمقامیه‌تی سلێمانی ده‌كه‌ن."