گه‌ڕان

Shadow Shadow
سیاسه‌تی

ڕاگەیەنراوێک لە وەزیری تەندروستیی هەرێمەوە لەبارەی کۆرۆنای گۆڕاو و کەرەنتینە

2021.02.23 - 22:15
App store icon Play store icon Play store icon
ڕاگەیەنراوێک لە وەزیری تەندروستیی هەرێمەوە لەبارەی کۆرۆنای گۆڕاو و کەرەنتینە

 ناس کورد-

وەزیری تەندروستیی هەرێمی کوردستان ڕایگەیاند، حاڵەتەکانی ئێستای کۆرۆنا زۆرینەیان توشبووی کۆرۆنای گۆڕاون و ئاماژەی بەوەشدەکات، بەرکەوتەکانیان پێویستە پشکنین بکەن و خۆیان کەرەنتینە بکەن، چونکە کۆرۆنای گۆڕاو خێرا بڵاودەبێتەوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا د. سامان بەرزنجی، وەزیری تەندروستیی هەرێمی کوردستان (سێشەممە 23ی شوباتی 2021) ڕایگەیاند، "حالەتەکانی ئێستای کۆڕۆنا زۆربەیان زنجیرەی نوێی ڤایرۆسی کۆڕۆنان کە بازدان بەسەر ڤایرۆسەکە هاتووە."

 

ئاماژەی بەوەشکردووە، "هەمان ڕێکارەکانی چارەسەرکردنە بۆ نەخۆشانی تووشبوو، پێویستە نەخۆش لە قۆناغی سەرەتاییدا پزیشکی چارەسەر ببینێت نەوەک خۆی دوابخات."

 

وەزیری تەندروستی ئەوەشی خستووەتەڕوو، " ڤایرۆسی کۆرۆنای گۆڕاو پێوستی بە خۆپارێزی زیاترە بۆ ڕێگەگرتن لە خێرا بڵاوبوونەوە و کەسوکار و نزیکانی تووشبووش پێویستە پشکنینی تاقیگە بکەن و خۆیان کەڕەنتن بکەن تا کەسانی تر تووش نەکەن."