گه‌ڕان

Shadow Shadow
سیاسه‌تی

زانیاری زیاتر

سەرۆکی دەستەی گەشتوگوزار پرسی پەرەپێدانی گەشتوگوزاری ئایینی دەباتە لای وەزیری ئەوقاف

2021.02.23 - 22:04
App store icon Play store icon Play store icon
سەرۆکی دەستەی گەشتوگوزار پرسی پەرەپێدانی گەشتوگوزاری ئایینی دەباتە لای وەزیری ئەوقاف

ناس کورد-

سەرۆکی دەستەی گەشتوگوزار بەمەبەستی پەرەپێدانی گەشتوگوزاری ئایینی سەردانی وەزارەتی ئەوقاف و کاروباری ئایینی کرد و ڕاشیگەیاند، گەشتوگوزاری ئایینی گرنگییەکی زۆری هەیە لەڕووی پێشخستنی ئابوریی وڵات و دۆزینەوەی هەلی کار بۆ ئەو ناوچانەی کە شوێنی ئایینی لێیە یان رێورەسمی ئایینی لێ بەرێوە دەچێت.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا دەستەی گەشتوگوزاری هەرێم (سێشەممە 23ی شوباتی 2021) ڕایگەیاند، "ئەمرۆ سێشەممە، ئەمەل جەلال، سەرۆکی دەستەی گشتیی گەشتوگوزار بە یاوەری بەڕێوەبەری گشتی شوێنەوار سەردانی وەزارەتی ئەوقاف و کاروباری ئایینی کرد و لەگەڵ پشتیوان سادق، وەزیری ئەوقاف کۆبووەوە.

 

ئاماژە بەوەشکراوە، "وەزیری کاروباری ئەوقافی هەرێم گرنگی سەردانەکە و پێکەوە کارکردنی بۆ پەرەپێدانی گەشتوگوزاری ئایینی خستەڕوو،  وەک هەنگاوێکی نوێ ئاماژەی بە کردنەوەی بەشی گەشتوگوزاری ئایینی لە وەزارەتی ئەوقاف و کاروباری ئایینی دا."

 

ئەوەش هاتووە، سەرۆکی دەستەی گەشتوگوزار تیشکی خستە سەر گرنگی گەشتوگوزار بە گشتی و گرنگی رۆلی گەشتوگوزاری ئایینی لە پێشخستنی گەشوگوزار بەتایبەت لە ڕووی پێشخستنی ئابووری وڵات و دۆزینەوەی هەلی کار بۆ ئەو ناوچانەی کە شوێنی ئایینی لێیە یان رێورەسمی ئایینی لێ بەرێوە دەچێت. "

 

بەگوێرەی ڕاگەیەنراوەکە، سەرۆکی دەستەی گەشتوگوزار بەرنامەی کارکردنی لەگەڵ لایەنەکان و ئایینەکان و شێوازی هەماهەنگی و چۆنیەتی دابین کردنی خزمەتگوزاری گەشتیاری و  وەبەرهێنان و  ئامادەکردنی رێبەر و سوود وەرگرتنی لە کولتووری ئاینەکانی خستەڕوو.

 

ئاماژە بەوەشکراوە، "وەزیری ئەوقاف و کاروباری ئایینی دڵخۆشی خۆی بۆ هەنگاوەکان دەربڕی و ئاماژەی بە ئامادەکردنی رێبەرێکی تایبەت بۆ شوێنەکانی ئاینی و پێکەوەژیانی ئاینەکان بە هاوکاری دەستەی گەشتوگوزار کرد کە لە ئایندەیەکی نزیک تەواو دەبێ،  ئامادەی خۆشی بۆ پشتگیری هەنگاوەکانی سەرۆکی دەستەی گەشتوگوزار راگەیاند. بۆ کاری مەیدانیش بریاردرا لێژنەیەکی هاوبەش دروست بکرێ و دەست بەکارەکانی بکات."