گه‌ڕان

Shadow Shadow
سیاسه‌تی

پێنج لیژنەی پێشمەرگە بانگهێشتی پەرلەمان دەکرێن

2021.02.23 - 15:48
App store icon Play store icon Play store icon
پێنج لیژنەی پێشمەرگە بانگهێشتی پەرلەمان دەکرێن

ناس کورد-

 

لیژنەی دەستپاکی لە پەرلەمانی کوردستان پێنج لیژنەی وەزارەتی پێشمەرگە بانگهێشتی کۆبوونەوەکانی دەکات بە مەبەستی بەدواداچوون لەسەر کارەکانی یاسای چاکسازی.

کەناڵی ناس کورد لە تێلیگرام جۆین بکە   

 

لیژنەکە ئەمڕۆ چوارشەممە لە ڕاگەیەنراوێکدا کە وێنەیەکی دەست ناس کورد کەوتووە (23ی شوباتی 2021) ڕایگەیاندووە، بەمەبەستی گفتوگۆكردن و ئاگاداربوون له‌سه‌ر ئاستی جێبەجێكردنی یاسای چاكسازی، ئەمڕۆ لیژنەی دەستپاكی كۆبووەوەو سەرجەم ئەو یاداشت و نوسراوانەی ئاراسته‌ی لیژنەكه‌ كرابوون، رێكاری پەیڕەوییان بەرامبەر جێبەجێكراو وەڵامدرانەوە.

 

باس لەوەشکراوە، لە کۆبوونەوەکەدا بەشداربووان گفتوگۆی وردیان لەسەر خاڵ بەخاڵی راپۆرتی چاكسازی كرد كە لەلایەن دەستەی دەستپاكی ئاراستەی لیژنەكە كرابوو بڕیاردرا پێنج لیژنەی وەزارەتی پێشمەرگە بانگهێشتی لیژنەی دەستپاكی بكرێن بۆ روونكردنەوەی پێویست تایبەت بەئاستی جێبەجێكردنی یاسای چاكسازی.

 

ئەوەش ئاشکرا کراوە، لە کۆبوونەوەکەدا بڕیاردراوە چەند نوسراوێك ئاراستەی لایەنە پەیوەندیدارەكان لەدەسەڵاتی جێبەجێكردن بكرێت بۆ ئاگاداربوون له‌ئاستی جێبەجێكردنی یاسای چاكسازی.