گه‌ڕان

Shadow Shadow
سیاسه‌تی

هەڤاڵ ئەبوبەکر: حکومەت داواکارییە کارگێڕیی و دارایییەکانى سلێمانى و هەڵەبجەى پەسەندکرد

2021.02.23 - 12:08
App store icon Play store icon Play store icon
هەڤاڵ ئەبوبەکر: حکومەت داواکارییە کارگێڕیی و دارایییەکانى سلێمانى و هەڵەبجەى پەسەندکرد

ناس کورد-



هەڤاڵ ئەبوبەکر پارێزگارى سلێمانى رایگەیاند، حکومەتى هەرێم داواکارییە کارگێڕیی و دارایییەکانى پارێزگاکانى سلێمانى و هەڵەبجە و ئیدارەکانى گەرمیان و ڕاپەڕینى بۆ ئەمساڵ پەسەندکرد.

کەناڵی ناس کورد لە تێلیگرام جۆین بکە   

 

هەڤاڵ ئەبوبەکر لە لاپەڕەى خۆى لە فەیسبوک کە "ناس کورد" بینیویەتى ئاماژەى بەوەکردووە، ئەمڕۆ، بەسەرپەرشتیی سەرۆکی ئەنجومەنی وەزیران و بە ئامادەبونی جێگری سەرۆکی ئەنجومەن و وەزیرانی دارایی و ئابوریی و پلاندانان و سەرۆکی دیوانی سەرۆکایەتیی ئەنجومەنی وەزیران و پارێزگاری پارێزگاکانی سلێمانی و هەڵەبجە و فەرمانگا پەیوەندیدارەکانی  ئەنجومەنی وەزیران، لە ڕێی ڤیدیۆ کۆنفرانسەوە کۆبوونەتەوە.

 

رونیشیکردووەتەوە، کۆبوونەوەکە تایبەت بووە بە بوارە کارگێڕیی و دارایی و خزمەتگوزاریی و پڕۆژەکانی پارێزگاکانی سلێمانی و هەڵەبجە و ئیدارە سەربەخۆکانی گەرمیان و ڕاپەڕین.

 

هەڤاڵ ئەبوبەکر دەڵێت "لە کۆبونەوەکەدا بە ڕونیی و بە وردیی ڕاپۆرتی هاوبەشی سەرۆکایەتیی دیوانی ئەنجومەنی وەزیران و پارێزگاو یەکەکارگێڕییەکان و داواکارییە کارگێڕیی و دارایی و خزمەتگوزاریی و سەرمایەگوزاریی و پەرەپێدانەکانی هەموو یەکە کارگێڕیی و فەرمانگاکان؛ گفتوگۆیان لەسەر کرا".

 

دەشڵێت "هەموو ئەو پێشنیازو داواکارییانەی لە ڕاپۆرتە هاوبەشەکاندا گەڵاڵەکرابوون؛ لەلایەن سەرۆکی ئەنجومەنی وەزیران و جێگری سەرۆکی ئەنجومەنی وەزیران و وەزیرەکانەوە پەسەندکران و بوون بەبڕیار".

 

بەوتەى هەڤاڵ ئەبوبەکر، ئەو سێکتەرو بوارانەی لەم ڕاپۆرتانەدا بۆ ساڵی ۲٠۲۱ پەسەندکراون دەتوانن بەشی زۆری داخوازیی و پێداویستییە زۆر پێویستەکانی دامەزراوە دەوڵەتییەکان دابین بکەن بۆ ئەوەی بتوانن خزمەتی زیاتری هاووڵاتیان بکەن.