گه‌ڕان

Shadow Shadow
سیاسه‌تی

شیکار و زانیاری

نیویۆرک تایمز: وەڵامی بایدن بۆ هێرشەکەى هەولێر لە وەڵامدانەوەى ترەمپ لاوازترە

2021.02.22 - 23:50
App store icon Play store icon Play store icon
نیویۆرک تایمز: وەڵامی بایدن بۆ هێرشەکەى هەولێر لە وەڵامدانەوەى ترەمپ لاوازترە

ناس کورد-

ڕۆژنامەیەکى ئەمەریکى ڕایگەیاند، وەڵامدانەوەى بایدن بەرامبەر هێرشى گروپە چەکدارییەکانى سەر بە ئێران بۆ سەر هێزەکانى ئەمەریکا لە عێراقدا لە وەڵامدانەوەى ترەمپ لاوازترە.

کەناڵی ناس کورد لە تێلیگرام جۆین بکە   

 

لە ڕاپۆرتێکیدا کە ناس کورد بەدواداچوونى بۆ کردووە (22ى شوباتى 2021)، ڕۆژنامەى نیویۆرک تایمزى ئەمەریکى ڕایگەیاندووە، شێوازى کاردانەوەى ئیدارەى جۆبایدن بەرامبەر موشەکبارانکردنى هەولێر دژیەکە لەگەڵ کاردانەوەکانى ترەمپ لەدژى ئێران کاتێک بەو کارانەى عێراقى دەخستە ناو گێژاوەکانەوە.

 

بەپێى ڕۆژنامەکە، ئەو هەڵویستەى ئیدارە نوێیەى ئەمەریکا چەند پرسیارێکى لە واشنتۆن و عێراقدا بەدواى خۆێدا هێناوە، لەوانە هێڵە سورەکان چین کاتێک کارەکە پەیوەندى بەوەڵامدانەوەى هێرشى ئەو گروپە چەکدارانەوە کە هێزەکانى ئەمەریکا لەعێراق دەکەنە ئامانج؟

 

نیویۆرک تایمز دەڵێت، دیپلۆماتکار و سەربازییەکانى ئەمەریکا پێیانوایە ئامانجى گەورەى بایدن ئارامکردنەوەى دژایەتیەکانى نێوان ئەمەریکا و ئێران و گروپە میلیشیاکانیەتى لە ناوچەکە بە عێراقیشەوە و لەلایەکى تریشەوە هەوڵى گەڕانەوەى ئێران دەدات بۆ ڕێگە چارەى دیپلۆماتى.

لاى خۆشیەوە، سایمۆن لیدن، بەرپرسى سیاسەتەکانى ڕۆژهەڵات لە پنتاگۆن ڕایگەیاندووە، ئەو دۆخە تاقیکردنەوەیەکى گرنگە بۆ ئیدارەى نوێ ئەمەریکا و بایەخ بەوە دەدەن بزانن چ ڕوودەدات گەر وەڵامیان هەبێت.

 

هاوکات دەیڤید شنیکەر، توێژەر لە پەیمانگاى واشنتۆن بۆ سیاسەتى ڕۆژهەڵاتى ناوەڕاست بە ڕۆژنامەکەى وتووە، حکومەتى عێراق بەرپرسیارێتى ئەوەى لەسەر شانە کە گروپە چەکدارەکانى سەر بەئێران لەوڵاتەکەیدا سنوردار بکات.

 

ئاماژەى بۆ ئەوەش کردووە، لەو باوەڕەدا نییە بەغدا لەڕێگەى ڕوپاماییکردنەوە بۆ ئێران بتوانێت وا بکات ئێران مامەڵەیەکى نوێ لەعێراقدا بکات بەڵکو هەموو ئەو کارانە پەیوەندییان بەئێرانەوە هەیە هەر لەچەکدارکردنى گروپەکان و پاڵپشتیى کردن و ئامادەکردنیانەوە.

 

شەوى دووشەممە (15 شوباتى 2021)، 14 موشەک ئاڕاستەى هەولێر کرا و بەهۆیەوە بەڵێندەرێکى هاوپەیمانان کوژرا و نۆ کەسى دیکەش برینداربوون کە بەشێکیان ئەمریکین.

 

گروپی "سرایا أولیاء الدم" كە تاقمێكی چەكدارە و خۆی بەخاوەنی خوێنی سولەیمانی و ئەبومەهدی موهەندیس دەزانێت بەرپرسیارێتی خۆی لە هێرشە موشەكییەكە ڕاگەیاند. هەروەها گروپێکی چەکداریی دیکە بە ناوی "قوات ذوالفقار" پشتگیری بۆ هێرشەکە راگەیاندووە.

 

ئەمە دووەم هێرشى موشەکییە بۆ سەر هەولێر لەماوەى کەمتر لە شەش مانگدا.

 

هێرشەکەى پێشوو لە 30 ئەیلولى 2020دا بوو کە سێ موشەک لە نزیک بارەگای دیموکرات لە گردەچاڵی هەولێر و سێ موشەکیش لە نزیک هێزی هاوپەیمانان لە فڕۆکەخانەی نێودەوڵەتیی هەولێر کەوتنەخوارەوە و هەرێم حەشدى شەعبى بە ئەنجامدانى تۆمەتبارکرد.