گه‌ڕان

Shadow Shadow
سیاسه‌تی

فوئاد مەعسوم لەبارەى کچەکەیەوە ڕوونکردنەوە دەدات

2021.02.22 - 20:58
App store icon Play store icon Play store icon
فوئاد مەعسوم لەبارەى کچەکەیەوە ڕوونکردنەوە دەدات

ناس کورد-

نوسینگەی فواد مەعسوم، سەرۆک کۆماری پێشووی عێراق ڕایگەیاند، "شیرین خانی کچی بەڕێز د.فوئاد مەعسوم هەرگیز هیچ پۆستێکی لە ماوەی سەرۆکایەتی کۆمار و نە پێشتر و نە دواتر لە هیچ جومگەیەکی نزیکی باوکیەوە نەبووە و ئەو قسانە هەموی دورن لە ڕاستیەوە کە گوایە لە سەرۆکایەتی کۆمار پۆستی هەبووە."

 

کەناڵی ناس کورد لە تێلیگرام جۆین بکە   

 

 

نوسینگەی  فوئاد مەعسوم لە ڕوونکردنەوەیەکدا کە کۆپییەکی دەستی "ناس کورد" کەوتووە (22ی شوباتی 2021) دەڵیت، "ماوەیەکە بە ڕەوا و ناڕەوا هێرشێکی نامەنتیق دەکرێتە سەر جەنابی د.فوئاد مەعسوم ئەندامی دەستەی دامەزرێنەری یەکێتی نیشتیمانی کوردستان و سەرکردەی رۆژانی خەباتی شاروشاخ و ماندوبونی بەڕێزیان بەهۆی لێدوانی خاتوو شیرین فوئاد مەعسومی کچی بەڕێزیانەوە."

 

دەشڵێت، "بە هەموولایەکی ڕادەگەینین کە جەنابی د.فوئاد مەعسوم نەک هەرلەگەڵ ئەو جۆرە لێدوان و قسانە نییە و دورە لە بۆچون و ڕاو کەسایەتی جەنابیان، زۆربەی کاتیش دژو ناهاوڕا بووە لەگەڵ ئەو جۆرە بۆچوونانە کە بەداخەوە بەشێک لە ڕاگەیاندنەکانیش بەمەبەست و بۆ ناشیرینکردنی خەباتی پاک و نەزیهی جەنابی د.فوئاد تەرویجی ئەومەسەلانە دەکەن."

 

نوسینکەی فواد مەعسوم جەختی کردووەتەوە کە "بۆ چەندەمین جاریش بەهەموو لایەکی ڕادەگەیەنینەوە کە شیرین خانی کچی بەڕێز د.فوئاد مەعسوم هەرگیز هیچ پۆستێکی لە ماوەی سەرۆکایەتی کۆمارو نە پێشترو نەدواتر لە هیچ جومگەیەکی نزیکی باوکیەوە نەبوەو ئەو قسانە هەموی دورن لە ڕاستیەوە کە گوایە لە سەرۆکایەتی کۆمار پۆستی هەبووە."

 

دەشڵێت، "شیرین خانیش وەک هەرکەسێکی تر ئازادە هەڵگری چ بیروباوەڕێک و چ ئایدیایەکە و ئەوەش لەهەموو دنیا شتێکی ئاسایی و یاساییە ، وەجەنابی دکتۆر فوئاد چەندین جاریش ئەوەی دوپاتکردۆتەوە کە کچەکەی بەڕێزیان لەتەمەنێکی گەورەدایەو خاوەنی ماڵ و هاوسەری خۆیەتی و لەوڵاتێکی تر دەژیت و جەنابیان زۆر هەوڵیشیداوە کە بۆچون و روئیایەکانی واقعی بن و واز لەو جۆرە لێدوانانە بهێنێت کە بەهیچ شێوەیەک لەگەڵ دونیابینی بەڕێزیان یەک ناگرێتەوە ، بەڵام ئەو خاتونە لەتەمەنێکدا نیە کە ئاراستە بکرێت و خۆی ئازادە لە چ حزبێکدا کاردەکات و چی دەڵێت."

 

باسی لەوەشکردووە کە "هیوادارین خەبات و ماندوبونی جەنابی د.فوئاد نەکرێتە دەستەچیلەی گڕبەردانی ناحەزانەی هیچ کەس و لایەنێک هەتا نزیکترین کەسیش بن لەبەڕێزیانەوە ، ئەم رونکردنەوەیەمان بەپێویست زانی بۆ بەرچاو روونی هەموولایەک."