گه‌ڕان

Shadow Shadow
سیاسه‌تی

بەپەلە

بریندارێکی هێرشە موشەکییەکەی سەر هەولێر گیانی لەدەستدا

2021.02.22 - 13:35
App store icon Play store icon Play store icon
بریندارێکی هێرشە موشەکییەکەی سەر هەولێر گیانی لەدەستدا

 ناس کورد-

بریندارێکی دیکەی هێرشە مووشەکیەکەی سەر شاری هەولێر گیانی لەدەستداو وتەبێژی تەندروستی هەولێریش دەڵێت، ئەو کەسە شوان بووەو بەهۆی سەختی برینەکەی گیانی لەدەستداوە.

کەناڵی ناس کورد لە تێلیگرام جۆین بکە   

 

د. بژار موسا وتەبێژی تەندروستی هەولێر لە لێدوانێکدا بۆ "ناس کورد"، (22ی شوباتی 2021) ڕایگەیاند، (نەواف ڕاشد) کە پیشەی شوان بووە لە مەیدانی ئاژەڵانی هەولێر و بەهۆی هێرشە مووشەکیەکەی شەوی 15ی شوبات بریندارببوو، بەهۆی سەختی برینەکەی گیانی لەدەستدا.

 

باسی لەوەشکرد، نەواف خەڵکی شاری سەڵاحەدین بووە و تەمەنی 30 ساڵ بووە، ئەمڕۆ بەهۆی سەختی برینەکەی کە لەسەری و سییەکانیدا بووە گیانی لە دەستدا.

 

شەوى دووشەممە (15 شوباتى 2021) 14 موشەک ئاڕاستەى هەولێر کرا و بەهۆیەوە بەڵێندەرێکى هاوپەیمانان کوژرا و نۆ کەسى دیکەش برینداربوون کە بەشێکیان ئەمریکین.                        

 

گروپی "سرایا ڕولیاء الدم" کە تاقمێکی چەکدارە و خۆی بەخاوەنی خوێنی سولەیمانی و ئەبومەهدی موهەندیس دەزانێت بەرپرسیارێتی خۆی لە هێرشە موشەکییەکە ڕاگەیاند. هەروەها    گروپێکی چەکداریی دیکە بە ناوی "قوات زوالفقار" پشتگیری بۆ هێرشەکە راگەیاندووە.        

  

ئەمە دووەم هێرشى موشەکییە بۆ سەر هەولێر لەماوەى کەمتر لە شەش مانگدا.   

  

هێرشەکەى پێشوو لە 30 ئەیلولى 2020دا بوو کە سێ موشەک لە نزیک بارەگای دیموکرات لە گردەچاڵی هەولێر و سێ موشەکیش لە نزیک هێزی هاوپەیمانان لە فڕۆکەخانەی نێودەوڵەتیی هەولێر کەوتنەخوارەوە و هەرێم حەشدى شەعبى بە ئەنجامدانى تۆمەتبارکرد.