گه‌ڕان

Shadow Shadow
سیاسه‌تی

کاریگەرى ڤاکسینەکان

ئەنتۆنى فاوچى: ساڵى داهاتووش پێویستمان بە بەستنى دەمامک دەبێت

2021.02.22 - 08:39
App store icon Play store icon Play store icon
ئەنتۆنى فاوچى: ساڵى داهاتووش پێویستمان بە بەستنى دەمامک دەبێت

ناس کورد-

بەڕێوەبەرى پەیمانگاى نیشتمانى ئەمەریکى بۆ هەستیاریى و نەخۆشیە گواستراوەکان دەڵێت، لەوانەیە لە ساڵى 2022یشدا خەڵک پێویستى بە بەستنى دەمامک بێت.

 

کەناڵی ناس کورد لە تێلیگرام جۆین بکە   

 

ئەنتۆنى فاوچى بەڕێوەبەرى پەیمانگاى نیشتمانى ئەمریکى بۆ هەستیاریى و نەخۆشیە گواستراوەکان (دووشەممە، 22ى شوباتى 2021)  لە گفتوگۆیەکدا لەگەڵ تۆڕى CNNى ئەمەریکى کە "ناس کورد" بەدواداچوونى بۆ کردووە ئاماژەى بەوە کرد، ئەگەرى هەیە ئەمەریکییەکان ساڵى 2022یش پێویستیان بەوە بێت دەمامک ببەستن.

 

باسى لەوەشکرد، تەنانەت دواى سوککردنى کۆت و بەندەکانى تایبەت بە ڤایرۆسى کۆرۆنا رەنگە پێویست بە بەستنى دەمامک بکات، ئەوەش پشت بە ئاستى بڵاوبونەوەى ڤایرۆسەکە لە ناوچە جیاوازەکاندا و نەوەکانى دەبەستێت.

 

فاوچى لە بەشێکى ترى قسەکانیدا وتویەتى، ئەو ژمارەى گیانلەدەستدانى ئەمەریکا بەهۆى ڤایرۆسى کۆرۆناوە تۆمارى دەکات، نیشانەیەک دەبێت لە مێژووى ئەم وڵاتەدا.

 

لە گفتوگۆیەکى تردا لەگەڵ بەرنامەى "فۆکس نیوز سەنداى" ئەو پزیشکە ئەمەریکییە دەڵێت، ڤاکسینەکانى ئێستا مرۆڤ لەو نەوە نوێیە دەپارێزن کە لە بەرتیانیا دەرکەوتووە، بەڵام کاریگەریەکان بەرامبەر ئەو نەوەیەى لە باشورى ئەفریقا دەرکەوتووە کەمترە.

 

ولایەتە یەکگرتوەکانى ئەمریکا زەرەمەندترین وڵاتى جیهانە بەهۆى ڤایرۆسى کۆرۆناوە و تائێستا نزیکەى 29 ملیۆن توشبوو و زیاتر لە نیو ملیۆن گیانلەدەستدانى تۆمار کردوە، بەگوێرەى داتاکانیش لە ماوەى چەند ڕۆژى ڕابردودا ژمارەى توشبوان و گیانلەدەستدان بەرەو داکشان چووە.