گه‌ڕان

Shadow Shadow
سیاسه‌تی

وردەکاریى

ڕونکردنەوەى ناتۆ لەبارەى فراوانکردنى چالاکییەکانیان لەعێراق 

2021.02.21 - 23:28
App store icon Play store icon Play store icon
ڕونکردنەوەى ناتۆ لەبارەى فراوانکردنى چالاکییەکانیان لەعێراق 

ناس کورد- 

نێردەى هێزەکانى هاوپەیمانى باکوورى ئەتڵەسى (ناتۆ) ڕایدەگەیەنێت، زیادکردنى ژمارەى ئەندامانەکانیان لەعێراق لەسەر داخوازى حکومەتى عێراق دەبێت.

 

کەناڵی ناس کورد لە تێلیگرام جۆین بکە   

 

قاسم ئەعرەجى ڕاوێژکارى ئاسایشى نەتەوەیى عێراقى (21ى شوباتى 2021 ) لەڕاگەیەنراوێکدا کە وێنەیەکى دەست "ناس کورد" کەوتووە ئاماژەى بەوە کرد، ئەمڕۆ پێشوازى کردووە لە فەریق ڕوکن بییر ئۆڵسن نێردەى هێزەکانى ناتۆ بۆ عێراق و لەدیدارێکیشدا چەند پرسێکیان تاوتوێ کردووە.

 

ئەعرەجى ئاماژەى بۆ ئەوەش کردووە، هێزە عێراقییەکان ئەزمونێکى زۆریان لەمەیدانەکانى شەڕەوە فێربوون و هەروەها شارەزاییەکى باشیان بۆ بەرەنگاربوونەوەى تیرۆر و توندوتیژییەکان هەیە.

 

بەگوێرەى راگەیەندراوەکە لە کۆبونەوەکەدا جەخت لەوە کراوەتەوە، عێراق بەشێک نییە لەکێشەکانى ناوچەکە بەڵکو بەشێکە لەچارەسەر و کاریش بۆ ئەوە دەکات سود لەئەزمونەکانى ناتۆ وەربگرێت چونکە هیشتا داعش مەترسییە بۆ سەر عێراق.

 

هەر بەپێى ڕاگەیەنراوەکە نێردەى ناتۆش ڕایگەیاندووە، بوونى نێردەى ناتۆ لەسەر داخوازى حکومەت بووە و فراوانکردنى هەر جۆرە چالاکیەکیش لەسەر خواستى حکومەتى عێراق دەبێت.

 

پێشتریش ئەمیندارێتى گشتى هێزەکانى پەیمانى باکوورى ئەتڵەسى (ناتۆ ) ڕایگەیاند، ناتۆ بڕیارى داوە ژمارەى ئەندامانى نێردەکەیان بۆ عێراق هەشت هێندەى ئێستا زیاد بکەن.