گه‌ڕان

Shadow Shadow
سیاسه‌تی

’ڕێژەی مەترسیدار’

ڕونکردنەوەى نوێ لەبارەى ’پێشنیازى راگرتنى پڕۆسەى خوێندن’ لە هەرێم

2021.02.21 - 20:53
App store icon Play store icon Play store icon
ڕونکردنەوەى نوێ لەبارەى ’پێشنیازى راگرتنى پڕۆسەى خوێندن’ لە هەرێم

ناس کورد-

سەرۆکی لیژنەی پەروەردەى پەرلەمانى کوردستان رایگەیاند، تا ئێستا هیچ پێشنیازێک نییە بۆ راگرتنى پرۆسەى خوێندن لە قوتابخانە و زانکۆ و پەیمانگاکان.

 

کەناڵی ناس کورد لە تێلیگرام جۆین بکە   

 

عەبدوسەلام دۆڵەمەری ئەمڕۆ (پێنجشەممە، 21ی شوباتی 2021) لە راگەیەنراوێکدا کە وێنەیەکى دەست "ناس کورد" کەوتووە رایگەیاند "چەند ڕۆژێکە گوێ بیستی داخستنی قوتابخانەو زانکۆو پەیمانگاکان دەبن، دڵنیاتان دەکەمەوە تا ئێستا هیچ پێشنیازێکی لەمجۆرە نییە کە داوای ڕاگرتنی  پرۆسەی خوێندن بکات".

 

ئاماژەى بەوەشکردووە، ئەوەی لەسەر هەموو لایەک پێویستە خۆپارێزی و پابەندییە بە ڕێکارە تەندروستییەکان، ئەگەر حاڵەتەکان بگاتە ڕێژەیەکی مەترسیدار ئەو کات لیژنەی ڕووبەرووبوونەوەی کۆرۆنا بە ڕەچاوکردنی دۆخەکە بریار دەدات.

 

پێشتر ڕەهێڵ فەرەیدون، بریکاری وەزارەتی تەندروستیی هەرێم لە کۆنفرانسێکی ڕۆژنامەوانیدا ڕایگەیاند، هیچ پێشنیازێکیان نەکردووە بۆ داخستنی خوێندنگەکان و جیاوازی کۆرۆنای گۆڕاویش تەنها ئەوەیە خێراتر دەگوێزرێتەوە و کاریگەرییەکەشی لە کەسانی خوار 30 ساڵیشدا دەردەکەوێت.

 

وتیشی "بڕیارە لە دوو ڕۆژی داهاتوودا لیژنەی باڵای ڕووبەڕووبوونەوەی کۆرۆنا کۆببێتەوە و هەندێک بڕیار بۆ بەرەنگاربوونەوەی ڤایرۆسەکە دەربکرێت."  

  

ڕەهێڵ فەرەیدون ئاماژەی بەوەشکرد "ئەوەی ئێمە پێشنیازمان کردووە ئەوەیە کە هاتووچۆ لەگەڵ شارەکانی عێراق سنوردار بکرێت و هەندێک ڕێکاری وەک ئەنجامدانی پشکنین بۆ ئەو کەسانەی هاتوچۆ دەکەن ئەنجام بدرێت."