گه‌ڕان

Shadow Shadow
سیاسه‌تی

’رێگانادەن بیبینم’

باوكى دەستگیرکراوێکى بادینان: کوڕەکەم ناپاکى کردبێت بەدەستى خۆم دەیکوژم

2021.02.21 - 19:29
App store icon Play store icon Play store icon
باوكى دەستگیرکراوێکى بادینان: کوڕەکەم ناپاکى کردبێت بەدەستى خۆم دەیکوژم

ناس کورد-

باوکى یەکێک لە دەستگیرکراوانى بادینان دەڵێت، ڕێگە نادەن کوڕەکەى ببینێت و ناشزانێت چى کردووە، ئەگەر کوڕەکەى ناپاکى کردبێت بەدەستى خۆى دەیکوژێت.

 

کەناڵی ناس کورد لە تێلیگرام جۆین بکە   

 

ئەیوب رەشید، باوکى یەکێک لە دەستگیرکراوەکانى دهۆک بەناوی بەندەوار ئەیوب (یەکشەممە، 21ى شوباتى 2021) لە کۆنگرەیەکى ڕۆژنامەوانیدا کە "ناس کورد" بینیویەتى وتى "ڕێگە نادەن سەردانى کوڕەکەمان بکەین و تەنها هەندێک جار تەلەفۆن دەکات، دەمانەوێت بزانین چى کردوە، خەڵکى کوشتوە قونسوڵگەرى تەقاندوەتەوە، پارێزگارى کوشتوە ئێمە نازانین".

 

وتیىشى "دەمانەوێت تاوانى کوڕەکەمان ئاشکرا بکرێت، ئەگەر ناپاکى کردوە ئەوا بەڵێن دەدەم کە بەدەستى خۆم دەیکوژم، ئەگەر بێتاوانیشە ئەوا داوا دەکەین ئازادى بکەن، پارێزەریشمان بۆ گرتوە بەڵام ڕێگە نادەن سەیرى پەڕاوەکان بکات".

 

"من کوڕێکم شەهیدە و لەناو خانەوانەى ئێمەدا 7 شەهیدمان هەیە، داواشمان لە سەرۆکى هەرێم و حکومەت و پەرلەمان ئەوەیە تاوانى ڕۆڵەکەمان ئاشکرا بکەن یاخود ئازادیان بکەن".

 

باسى لەوەشکرد، پێیان وتووە کوڕەکەى لە ئاسایشى گشتى هەولێر زیندانیکراوە.