گه‌ڕان

Shadow Shadow
سیاسه‌تی

سەرۆکایەتی داواکاریی گشتیی هەرێم راگەیەنراوێکى بڵاوکردەوە

2021.02.21 - 17:43
App store icon Play store icon Play store icon
سەرۆکایەتی داواکاریی گشتیی هەرێم راگەیەنراوێکى بڵاوکردەوە

ناس کورد-

سەرۆکایەتی داواکاریی گشتیی هەرێم، چەند کەس و لایەنێک تۆمەتبار دەکات بە دەستپێکردنى "شاڵاوێکی ناڕەوا" لە دژی دەزگاکە و ئەندامەکانى و هەوڵدان بۆ "بەلاڕێدابردنى خەڵک".

 

کەناڵی ناس کورد لە تێلیگرام جۆین بکە   

 

سەرۆکایەتییەکە لە راگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە " درێژەپێدەری کارەکانمان دەبین لە چەسپاندنی سەروەری یاسا و پاراستنی بنەماکانی مافی مرۆڤ و پاراستنی سەر و ماڵی هاووڵاتیان و پاراستنی قەوارەی یاسایی هەرێمی کوردستان".

 

دەقى راگەیەنراوەکە:

 

لای هەمووان ئاشكرایە کە دەزگای داواکاریی گشتی، دەزگایەکی یاسایی سەربەخۆیە و رۆڵی بەرچاوی هەیە لە پاراستنی سەروەری یاسا و بنەماکانی مافی مرۆڤ و جێبەجێکردنی یاسا، بەڵام ماوەیەکە چەند کەس و لایەنێک دەستیان بە شاڵاوێکی ناڕەوا لە دژی ئەم دەزگایە و ئەندامانی کردووە و، هەوڵدەدەن خەڵکی هەرێمی کوردستان چەواشە بکەن و بەلاڕێیدا ببەن. لەکاتێکدا دەزگای داواکاری گشتیی وەکو سەربازێکی ون شەو و رۆژ کاردەکات لە پێناو سەرەوەریی یاسا و پاراستنی سەر و ماڵی هاووڵاتیانی خۆشەویست و بەهیچ شێوەیەک کۆڵ نادەیەن لە راپەڕاندنی ئەرکەکانی سەرشانمان.

 

هەموو لایەک دڵنیادەکەینەوە کە درێژەپێدەری کارەکانمان دەبین لە چەسپاندنی سەروەری یاسا و پاراستنی بنەماکانی مافی مرۆڤ و پاراستنی سەر و ماڵی هاووڵاتیان و پاراستنی قەوارەی یاسایی هەرێمی کوردستان

 

سەرۆکایەتیی داواکاریی گشتیی هەرێمی هەرێمی کوردستان