گه‌ڕان

Shadow Shadow
سیاسه‌تی

ئەردۆگان: ئەوانەی هەڵیانکوتایەسەر کۆنگرێسی ئەمەریکا پەیوەندییان بە پەکەکەوە هەبوو

2021.02.21 - 14:54
App store icon Play store icon Play store icon
ئەردۆگان: ئەوانەی هەڵیانکوتایەسەر کۆنگرێسی ئەمەریکا پەیوەندییان بە پەکەکەوە هەبوو

ناس کورد-

سەرۆک کۆماری تورکیا ڕایگەیاند، ئەوانەی ھەڵیانکوتاوەتە سەر کۆنگرێسی ئەمەریکا، پەیوندیان لەگەڵ یەپەگە و پەیەدە و پەکەکە هەبووە لە سوریا.

کەناڵی ناس کورد لە تێلیگرام جۆین بکە   

 

ڕەجەب تەیب ئەردۆگان، سەرۆک کۆماری تورکیا (یەکشەممە 21ی شوباتی 2021) لە پەیامێکی ڤیدیۆییدا بە بۆنەی دەستپێکردنی پەخشی کەناڵی تەلەڤزیۆنی کۆمیتەی ئاڕاستەکردنی نیشتمانی تورک - ئەمریکا کە " ناس کورد" بەدواداچوونی بۆ کردووە، ڕایگەیاند، لە چوارچێوەی روانگەیەکی درێژمەودا دەیانەوێت لەگەڵ ئیدارەی نوێی ئەمەریکا ھەماھەنگیان بەھێزتر بکەن" .

 

وتیشی، "باوەشکردنەوە بۆ کودەتاچییەکان بە شێوەیەکی ئەنقەست لەلایەن وڵاتێک کە خاوەن بانگەشەیە لە بواری دیمەکراسی و ئازادییەکان، دژبەیەکێکی گەورەیە".

 

ئەردۆگان باسی لە رووداوی ھەڵکوتانە سەر کۆنگرێسی ئەمەریکا کرد و  وتی، "  ئەوانەی دەستپێشخەریان بۆ رووداوە قێزەونەکەی سەر کۆنگرێسی ئەمریکا کرد، پەیوندیان ئاشکرا بووە لەگەڵ یەپەگە و پەیەدە وەک باڵی پەکەکە لە سوریا (ڕۆژئاوای کوردستان) ".

 

سەرکۆماری تورکیا، لەبارەی پەیوەندییەکانی تورکیا و ئەمەریکا  ئاماژەی بەوەکردووە، "لەم قۆناغەی دواییدا ھەموومان پێکەوە شاھیدی ئەوە بووین کە دۆستایەتی تورک - ئەمریکا بە تاقیکردنەوەیەکی جددی تێپەڕبوو".

 

رەجەب تەیب ئەردۆگان ئەوەشی ڕاگەیاندووە، "ئێمە وەک تورکیا، لەو باوەڕەداین کە بەرژەوەندییە ھاوبەشەکانمان زۆر زیاترە لە بۆچوونە جیاوازەکانمان لەگەڵ ئەمەریکا".