گه‌ڕان

Shadow Shadow
سیاسه‌تی

بەپەلە

ڕاگەیەنراوێک لە سەرۆکایەتیی داواکاری گشتیی هەرێمەوە

2021.02.21 - 14:28
App store icon Play store icon Play store icon
ڕاگەیەنراوێک لە سەرۆکایەتیی داواکاری گشتیی هەرێمەوە

ناس کورد-  

سەرۆکایەتی داواکاری گشتیی هەرێم ڕایگەیاند، ماوەیەکە چەند کەس و لایەنێک دەستیان کردووە بە شاڵاوێکی ناڕەوا دژی ئەو دەزگایە و تانە لە سەربەخۆیی دەسەڵاتی دادوەری دەدەن، دەشڵێت، ئەو کەسانە بێ ئاگان داواکاری گشتی وەک سەربازێکی ون شەو و ڕۆژ کاردەکات.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا سەرۆكایەتی داواكاری گشتی هەرێمی كوردستان (یەکشەممە 21ی شوباتی 2021) ڕایگەیاند، "لای هەمووان ئاشكرایە كە دەزگای داواكاری گشتی دەزگایەكی یاسایی سەربەخۆیە و رۆڵی بەر چاوی هەیە لە پاراستنی سەروەری یاساو بنەماكانی مافی مرۆڤ جێبەجێ كردنی یاسا، بەڵام ماوەیەكە چەند كەس و لایەنێك دەستیان كردووە بەشاڵاوێكی ناڕەوا لەدژی ئەم‌ دەزگایە و ئەندامەكانی و هەوڵ دەدەن خەڵكی هەرێمی كوردستان چەواشە بكەن و بەلاریدا بیان بەن و تانە لەسەربەخۆیی دەسەڵاتی دادوەری و دەزگا یاسایی و شەرعیەكان دەدەن."

 

ئاماژەی بەوەشکردووە، "لەكاتێك دا دەزگای داوا كاری گشتی وەكو سەربازێكی وون شەو و ڕۆژ كار دەكات لەپێناوی سەروەری یاسا و پاراستنی سەروماڵی هاووڵاتیانی خوشەویست و بەهیچ شێوەیەك كۆڵ نادەین لەڕاپەڕاندنی ئەركەكانی سەر شانمان و هەموو لایەك دڵنیا دەكەینەوە كەدرێژە پێدەری كارەكانمان دەبین لەچەسپاندنی سەروەری یاسا و پاراستنی بنەماكانی مافی مرۆڤ و پاراستنی سەرو ماڵی هاووڵاتیان و پارستنی قەوارەی یاسایی هەرێمی كوردستان."

 

ڕاگەیەنراوێکی داواکاری گشتیی هەرێم لەکاتێکدایە، لەدوای سزادانی پێنج لە دەستگیرکراوانی سنوری بادینان بە شەش ساڵ زیندانی، ڕەخنەیەکی زۆر لە دادگاکانی هەرێمی کوردستان دەگیرێت بەوەی کە سەروەری یاسا پێشێل دەکەن و بڕیاری حزبیانە دەدەن