گه‌ڕان

Shadow Shadow
سیاسه‌تی

بەپەلە

پێشنیازی وەزارەتی تەندروستیی هەرێم لەبارەی پرۆسەی خوێندنەوە ئاشکراکرا

2021.02.21 - 12:15
App store icon Play store icon Play store icon
پێشنیازی وەزارەتی تەندروستیی هەرێم لەبارەی پرۆسەی خوێندنەوە ئاشکراکرا

 ناس کورد-

بریکاری وەزارەتی تەندروستیی هەرێم ڕایگەیاند، هیچ پێشنیازێکیان نەکردووە بۆ داخستنی خوێندنگەکان و جیاوازی کۆرۆنای گۆڕاویش تەنها ئەوەیە خێراتر دەگوێزرێتەوە و کاریگەرییەکەشی لە کەسانی خوار 30 ساڵیشدا دەردەکەوێت.

کەناڵی ناس کورد لە تێلیگرام جۆین بکە   

 

ئەمڕۆ پێنجشەممە 21ی شوباتی 2021، پێنج حاڵەتی توشبوون بە کۆرۆنای گۆڕاو لە هەرێمی کوردستان تۆمارکران.

 

د. ڕەهێڵ فەرەیدون، بریکاری وەزارەتی تەندروستیی هەرێم لە کۆنفرانسێکی ڕۆژنامەوانیدا ڕایگەیاند، "جیاوازی ئەم نەوە نوییەی کۆرۆنا تەنها ئەوەیە کە خێراتر دەگوازرێتەوە لە نەوە کۆنەکە، هەروەها نەوە کۆنەکە زیاتر کاریگەری لەسەر کەسانی سەروو 30 ساڵ هەبوو، بەڵام ئەم نەوە نوێیە کاریگەرییەکەی لە تەمەنێکی خوارتر لە 30 ساڵیش دەردەکەوێت، جگە لەوە تاوەکو ئێستا هیچ جیاوازییەکی دیکەی نەدۆزراوەتەوە."

 

وتیشی، "بڕیارە لە دوو ڕۆژی داهاتوودا لیژنەی باڵای ڕووبەڕووبوونەوەی کۆرۆنا کۆببێتەوە و هەندێک بڕیار بۆ بەرەنگاربوونەوەی ڤایرۆسەکە دەربکرێت."

 

ئاماژەی بەوەشکرد، "ئەوەی ئێمە پێشنیازمان کردووە ئەوەیە کە هاتووچۆ لەگەڵ شارەکانی عێراق سنوردار بکرێت و هەندێک ڕێکاری وەک ئەنجامدانی پشکنین بۆ ئەو کەسانەی هاتوچۆ دەکەن ئەنجام بدرێت."

 

دەربارەی پێشنیازکردنیان و هەڵوێستیان بۆ داخستنی قوتابخانەکان و قەدەغەی هاتوچۆ، بریکاری وەزارەتی تەندروستی وتی، "هیچ پێشنیازێکمان نەکردووە بۆ داخستنی قوبابخانەکان و تاوەکو ئێستاش هیچ بڕیارێک بۆ قەدەغەی هاتوچۆ نییە."

 

بریکاری وەزارەتی تەندروستیی ئەوەشی ئاشکراکرد، لەسەرەتای مانگی داهاتوودا بڕێک لە ڤاکسینی کۆرۆنا دەگاتە هەرێمی کوردستان و سەرەتاش بەو کەسانە دەدرێت کە لە هێڵی پێشەوەی ڕووبەڕووبوونەوەی ڤایرۆسەکەدان.