گه‌ڕان

Shadow Shadow
سیاسه‌تی

وردەکاری

’’پشدەر؛ دوو هاووڵاتی پێکەوە خۆیان هەڵدایە ناو ڕووبارێکەوە و خنکان’’

2021.02.21 - 08:52
App store icon Play store icon Play store icon
’’پشدەر؛ دوو هاووڵاتی پێکەوە خۆیان هەڵدایە ناو ڕووبارێکەوە و خنکان’’

ناس کورد-

ڕێکخراوی مافی مرۆڤی هەنگاو ڕایگەیاند، دوای ڕاکردنیان لەدەست هێزەکانی سوپای پاسداران دوو کۆڵبەری کورد بەناچاری خۆیان خستە ناو ئاوی ڕووبارێکەوە و هەردووکیان خنکان.

کەناڵی ناس کورد لە تێلیگرام جۆین بکە   

 

ڕێکخراوی مافی مرۆڤی هەنگاو (یەکشەممە 21ی شوباتی 2021) بڵاویکردەوە، درەنگانی شەوی ڕابردوو دوو کاسبکار لە کاتی پەڕینەوە لە ڕووباری "قاسمەڕەش"ی سەر سنووری ناوچەی پشدەری سەر بە پارێزگای سلێمانی، کەوتنە ناو ئاوەکە و خنکان.

 

ئاماژەی بەوەشکردووە، ئەو دوو کاسبکارە ناویان "ئەبووبەکر محەمەدی" تەمەن 35 ساڵ کە خەڵکی گوندی "گۆڕەشێر"ی سەردەشت و "ئەسکەندەر محەمەد" خەڵکی یەکێک لە گوندەکانی ناوچەی پشدەر بووە، هەر دووکیشیان خێزاندار بوون و خاوەندی دوو مناڵن.

 

ئەوەشی خستووەتەڕوو، ئەو دوو کاسبکارە لە کاتی پەڕێنەوەیان لە سنوور، لە لایەن هێزەکانی سوپای پاسدارانەوە تەقەیان لێ کراوە و بەمو هۆیەشەوە بە ناچاری خۆیان خستووەتە ناو ڕووبارەکەوە.

 

ئەو رێکخراوە مرۆییە ئاماژەی بەوەشکردووە، تەرمی ئەو دوو کاسبکارە کوردە لەلایەن خەڵکی گوندەکانی ئەو ناوچەیەوە دۆزراوەتەوە و سێ کاسبکاری دیکەشیان لەگەڵدا بووە کە چارەنوسیان نادیارە.