گه‌ڕان

Shadow Shadow
سیاسه‌تی

هۆکارەکانیش باس دەکات

شیاع سودانی باس لە دووبارە دواخستنی هەڵبژاردنەکان دەکات

2021.02.20 - 15:43
App store icon Play store icon Play store icon
شیاع سودانی باس لە دووبارە دواخستنی هەڵبژاردنەکان دەکات

ناس کورد-

شیاع سودانی، پەرلەمانتاری عێراق ڕایگەیاند، هەموو ئەگەرێک بۆ دواخستنى هەڵبژاردنى پێشوەختە لەعێراقدا هەیە و لایەنە سیاسیەکان هیچ سازانێکى ڕاستەقینەیان بۆ ئەنجامدانى نەکردووە.

 

کەناڵی ناس کورد لە تێلیگرام جۆین بکە   

 

محەمەد شیاع سودانى لە میانەى پۆستێکیدا لە لاپەڕەی فەیسبوکى کە "ناس کورد" بەدواداچوونى بۆ کردووە (20ى شوباتى 2021) ڕایگەیاندووە، هەموو ئەگەرێک بۆ دواخستنى هەڵبژاردنەکان لەئارادایە بە چەند پاساوێک لەوانە بەشێکیان پەیوەست بە لایەنە سیاسیەکان و حکومەت و کۆمسیۆنەوەیە، ئەوەش دەری دەخات سازانى سیاسى ڕاستەقینە بۆ ئەنجامدانى هەڵبژاردنى پێشوەختە نەکراوە.

 

ئاماژەى بۆ ئەوەش کردووە، لایەنى سیاسى هەیە نایەوێت بە چوونە هەڵبژاردنەکەوە سەرکێشى بکات چونکە باش ئەوە دەزانێت کە بایکۆت دەکرێت و هەروەها سیاسەتەکەشى بەهۆى بڵاوبونەوەى گەندەڵى و شێوازى بەڕێوەبەردنى وڵاتەوە بەو پێیەى بەشدارییە لەحکومڕانییەکە ڕەتکراوەتەوە.

 

سودانى دەشڵێت، هۆکارێکى تر هەیە کە هونەرییە و پەیوەندى بە کۆمسیۆنى باڵاوە هەیە و کۆمسیۆن تا ئێستا نەیتوانیوە بەڕاشکاوى ئامادەى خۆى بۆ بەڕێوەچوونى پڕۆسەکە ڕابگەیەنێت.

 

ئەو پەرلەمانتارە کە بەنزیک لە نورى مالیکى دادەنرێت باسى لەوەش کردووە، قسەکانى مەرجەعیەت لەبارەى هەڵبژاردنى پێشوەختەوە ڕوونە و کاتێک ڕەزامەندە لە دۆخ و ژینگەیەکى ئارامدا بەڕێوەبچێت.

 

سودانى ئەوەشى خستووەتە ڕوو، پێدەچێت ئەنجامى هەڵبژاردنەکەش ببێتە بەڵایەک بەسەر عێراقەوە ئەگەر لەناوخۆ و دەرەکەوە پێى قایل نەبن و بەوەش وڵات زیاتر بەرەو تونیلێکى تاریک هەنگاو دەنێیت.

 

قسەکانی شیاع لەکاتێکدا کە جارێک هەڵبژاردنی پێشوەختەی عێراق دواخراوە، سەرەتا بڕیار بوو 6ی حوزەیران بکرێت، بەڵام دواخرا بۆ 10ی تشرینی یەکەمی 2021.