گه‌ڕان

Shadow Shadow
سیاسه‌تی

زانیاری زیاتر

بەغدا بە فەرمی هەرێم تۆمەتبار دەکات.. ’’زیانی ملیارەها دیناری لێ داوین’’

2021.02.20 - 12:00
App store icon Play store icon Play store icon
بەغدا بە فەرمی هەرێم تۆمەتبار دەکات.. ’’زیانی ملیارەها دیناری لێ داوین’’

ناس کورد-

وەزیرى کشتوکاڵى عێراق هەرێمى کوردستان بە زیانگەیاندن بە کەرتى کشتوکاڵ تۆمەتبار دەکات و دەڵێت، بەهۆى چوونى دانەوێڵە و بەروبومى تری قاچاخ لە هەرێمەوە بۆ  پارێزگاکانى ناوەڕاست و باشور، جوتیاران زیانی زۆریان بەرکەوتووە و ترس لەوە هەیە بۆ ساڵى داهاتوو دوودڵ بن لە چالاکى کشتوکاڵى.

کەناڵی ناس کورد لە تێلیگرام جۆین بکە   

 

لە میانەى چاوپێکەوتنێکی تەلەفزیۆنیدا کە "ناس کورد" بەدواداچوونی بۆ کردووە، محمەد خەفاچى، وەزیرى کشتوکاڵى عێراق (20ى شوباتى 2021) ڕایگەیاندووە، پێشتر عەلوەی بەسرە ئامادەییەکى باشى هەبوو بۆ وەرگرتنى شتەکان لە شارە جیاوازەکانەوە وەکو شارى هەولێر و موسڵ و ڕومادى دواتر دابەشى دەکردەوە سەر پارێزگاکانى تردا، "بەڵام ئێستا ئەو پارێزگایانە خۆیان شتومەک هاوردە دەکەن، ئەوەش بەهۆى هاوردەکردنى دانەوێڵە و بەروبومى ترەوە کە بە قاچاخى لە هەرێمى کوردستانەوە بۆیان دەچێت."

 

وەزیرى کشتوکاڵ دەشڵێت، هێنانى بەروبومى کشتوکاڵى لە هەرێمەوە بەشێوەى قاچاخ زیانى زۆرى گەیاندووە جوتیارە عێراقییەکان بەتایبەت بەرهەمى جوتیاران لە تەماتە گەیشتووەتە 500 هەزار تۆن، واتا پێنج تۆنی ڕۆژانە.

 

خەفاچى ئەوەشى ڕوونکردووەتەوە، جوتیارەکان هەموو ڕۆژێک زیانى یەک تۆن تەماتە دەکەن و نرخى کیلۆیەکى گەیشتووەتە 250 دنیار، واتا ڕۆژانە 250 ملیۆن دینار دەکات، ئەم وەرزەش تەنها سێ مانگى ماوە و بەو هۆیەشەوە زیانەکانیان دەگاتە ملیارەها دینار.

 

وەزیرى کشتوکاڵ باسى لەوەش کردووە، زیانى جوتیارەکان مانگانە دەگاتە حەوت ملیار دینار و ئەوەش ئابوورى وڵات وێران دەکات، بۆ ئەو مەبەستەش سەرۆک وەزیران سوورە لەسەر پێکهێنانى لیژنەیەک بۆ بەدواداچوونى دۆخەکە.

 

خەفاچى ئەوەشى خستووەتەڕوو، لە هەموو خاڵە سنورییەکانەوە بە هەرێمى کوردستانیشەوە دەستیان پێکردووە و هەزاران باریان گەڕاندووەتەوە بەڵام کاتەکەى درەنگە و جوتیارەکان پێویستیان بە قەرەبووکردنەوە هەیە ئەگەرنا ساڵى داهاتوو کشتوکاڵ ناکەن.

 

خەفاچى باسى لەوەش کردووە، کشتوکاڵ لەم سیستمەى ئێستادا هیچ مانایەکى نییە، وەزارەتەکەشیان تەنها ڕۆڵى ئامۆژگارى دەگێڕیت بەهۆى ئەوەى دەستى هەڵگرتووە لە پشتیوانیکردنى جویتاران بە تایبەت لەڕووى دابینکردنى کەرەستە و پێداویستیەکانیانەوە.

 

بەوتەى وەزیرى کشتوکاڵ ساڵانى هەفتاکان وەزارەتى کشتوکاڵ نایلۆن و تۆ و پەین و پێداویستیەکانى بۆ جوتیارەکان دابین دەکرد بەڵام ئێستا وەزارەتى هیچیان پێنادات و ئەو دەرماڵە داراییەش کە بۆیان دابینکرداوە تەنها بەشى بەروبومى گەنم و جۆ دەکات.