گه‌ڕان

Shadow Shadow
سیاسه‌تی

زۆركەس دەڵێن

ئایا سەدام كوڕیتری هەیە؟ ڕەغدی كچی وەڵام دەداتەوە

2021.02.19 - 19:44
App store icon Play store icon Play store icon
ئایا سەدام كوڕیتری هەیە؟ ڕەغدی كچی وەڵام دەداتەوە

ناس كورد_

ڕەغدی كچی سەدام حسێن ڕەتیكردەوە براو خوشكیتری هەبێت جگە لەو پێنج مناڵەی سەدام كە لەساجیدەن و دەڵێت "تەنانەت ئەو كوڕەی عودەی كە دەركەوتووە ڕاست نییە".

کەناڵی ناس کورد لە تێلیگرام جۆین بکە   

 

لە پێنجەمین ئەڵقەی گیڕانەوەكانیدا لە كەناڵی ئەلعەرەبییە كە "ناس كورد" دیویەتی، ڕەغدی سەدام حسێن ئەمڕۆ (19 شوباتی 2021) وتی: ئەگەر برایترم هەبوایە ئەوە خۆشحاڵ دەبووم، ئەگەر سەدام كوڕی هەبوایە لەكێ ئەترسا تا باسی نەكات و بیشارێتەوە؟

 

ڕەغد وتیشی لە ناوەڕاستی ساڵانی نەوەدەكان لەسەر نانخواردن كۆبووینەوە و باسی شتێكی واكرا، باوكیشم لەسەروو مێزەكەوە بووە، ڕوویكردە دایكم و وتی ساجیدە: من پێنج  مناڵم هەیە و ناوی هێناین (ڕەغد، عودەی، قوسەی، ڕەنا، حەلا) وتی ئەترسم ڕۆژێك كەسێك بێت و بڵێ مناڵی ئەوم من هەر ئەمانەم هەیەو تەواو.

 

لەبارەی ئەوەشی كە دەوترێت سەدام كوڕێكیتری هەیە وتی "زۆر شت بەناوی ئێمەوە دروستكراوە، زۆر كەس ئەڵێن خوشك و برامن ومن قەت ناویانم نەمبیستوو، ئەگەر سەدام كوڕ و كچیتری هەبوایە لە عێراق ئەژیان و خەڵك دەیناسین".

 

لەتیف یەحیا كە ساڵانێكی زۆر وەك هاوشێوەی عودەی سەدام حسین كاریكردووە لە گرتەیەكی ڤیدیۆییدا هێرشی توند دەكاتە سەر ڕەغدی سەدام حسێن و بە ژنێكی لوتبەرز و خۆبەزلزان ناوی دەبات بە پێچەوانەی ڕەنا و حەلای خوشكییەوە كە دووركەوتنەوەیان لە چاوی كامێرا هەڵبژاردووە.  

 

لە گرتە ڤیدیۆییەكەدا كە "ناس كورد" دیویەتی (19 شوباتی 2021) لەتیف یەحیا دەڵێت مادەم ڕەغد خۆی هەڵقورتاندووە لە سیاسەت و ڕێزی خۆی نەگرتووە وەك خوشكەكانی، هەروەها لەبەر ئەوەی بەدوای شۆدا دەگەڕێت شایەنی بەرپەرچدانەوەیە و دەڵێت، "دەبێت ئەوە بزانێت خۆت و مێردەكەی كە حسێن كاملە، ناپاک بوون بەرامبەر باوكی كە سەدامە و ئەویش شایەنی كوشتنەوەبوو نەك ئێستاهەر خەریكی لێو ئەستووركردن بیت".  


لەتیف یەحیا كە هێشتا هەر ستایشی سەدام و عودەی دەكات، باس لەوەش دەكات ڕەغد بۆ پارە و شۆ و ناوبانگ دەگەڕێت و ناوی سەدام حسێن بەكاردەهێنێت، گەورەترین هەڵەی سەدامیش ئەوەبوو نەیكوشت لەگەڵ مێردەكەی لەپای جیابوونەوە و هەڵهاتنیان بۆ ئوردن و جیابوونەوەیان لە دەوڵەتی عێراق.   

 

هەروەها وتیشی"تەنانەت عودەی سەدامیش كوڕی نییە وەك ئێستا ئەوترێت". لەبارەی ئەو كوڕەش كە بەڵگەنامەی پێیە وتی "ئێستا ئاسانترین شت دروستكردنی بەڵگەنامەیە لەدژی ئێمە".

 

لەوەڵامی ئەو پرسیارەی ئایا نەوەكانی سەدام هیچ ڕۆڵێك دەبینن لەسیاسەت؟ وتی "خێزانەكەمان هەریەك رێگەی خۆی گرتووە لەژیان و هیلاكن و من نامەوێ ئێستا باسیان بكەم، خۆشیان نایانەوێ باسی ئەوە بكەم و بۆمن نییە باسی نەوەكانی سەدام و پرۆژەی ئایندەیان بكەم و هەركەس رێگەی خۆی گرتووە لەژیان بەشێوازی خۆی".