گه‌ڕان

Shadow Shadow
سیاسه‌تی

ئەگەر ڕێگەی بدەن

ئیكۆنۆمیست: كەسایەتییەكی ئێرانی جەماوەریترینە بۆ سەرۆكایەتی كۆمار

2021.02.19 - 19:38
App store icon Play store icon Play store icon
ئیكۆنۆمیست: كەسایەتییەكی ئێرانی جەماوەریترینە بۆ سەرۆكایەتی كۆمار

ناس كورد_

گۆڤاری ئیكۆنۆمیستی بەریتانی بڵاویكردەوە كە بەپێی ڕاپرسییەكان مەحمود ئەحمەی نەژاد چانسی لەهەموو بەربژێرەكانی ئێران زیاترە بۆ سەرۆكایەتی كۆمار ئەگەر پیاوانی ئاینی رێگەی خۆ كاندیدكردنی پێ بدەن.

کەناڵی ناس کورد لە تێلیگرام جۆین بکە   

 

گۆڤارەكە لە راپۆرتێكدا كە "ناس كورد" خوێندنەوەی بۆ كردووە (19 شوباتی 2021) باس لەوە دەكات نەژاد كە عەمامەی لەسەر نییە لە 2005 بە لەبەركردنی كراس و پانتۆڵی هەرزان بایی و بەكارهێنانی زمانی ئاسایی ئاخاوتنی خەڵك جێگەی بەپیاوانی ئاینی لەق كرد و هەموو پاڵپشتییەكی رێبەری شۆڕشی ئێرانی عەلی خامنەیی هەبوو.

 

گۆڤارەكە باس لەوەش دەكات لەسەردەمی سەرۆكایەتیدا نەژاد سولفە و پاڵپشتیكردنی هەژارانی زیاتر كردو هەرچەند رژێمی ئێرانی لە 2009 سەركوتی خەڵكیان كرد لەسەر نەژاد و خۆپیشاندەرانیان كپ كردەوە بەئاگر و ئاسن بەڵام دواتر نەژاد خۆی لەگەڵ پیاوانی ئاینی كەوتە كێشەوە.

 

لە 2017 نەژاد هەوڵیدا خۆی كاندید بكاتەوە، بەڵام خامنەیی پێ راگەیاندووە ئەوە لەبەرژەوەندی ئێران نییە، دواتر ئەنجومەنی پاراستنی دەستور پاڵاوتنیان رەتكردەوە، ئەمەش نەژاد و لایەنگرانی توڕەكرد و بەمدواییانەش نامەیەكی ناردووە بۆ پۆتینی سەرۆكی ڕوسیا وتێیدا دەڵێت "كەس تا كۆتایی لە حوكمڕانی نامێنێتەوە" ئەمەش بە خامنەیی لێكدراوەتەوە، بۆیە دەسەڵاتداران ماڵپەڕەكەیان داخست و هەندێ ڕاوێژكاری ناوبراویان دەستگیركرد.

 

گۆڤارە بەریتانییەكە باس لەوە دەكات پیاوانی ئاینی ئێران متمانەیان بەنەژاد نییە بۆ هەڵبژاردنی داهاتوو، خۆشی باس لەداهاتووی خۆی ناكات، بەڵام ئەگەریش ئەمجارە رێگەی خۆ پاڵاوتنی پێ نەدەن ئەوە بێگومان هەر وەك كەسێكی كاریگەر دەمێنێتەوە.

me_ga.php?id=2636