گه‌ڕان

Shadow Shadow
سیاسه‌تی

زانیاری زیاتر

ڕەغدی سەدام: باوكم لەزیندان داوای دوو شتی دەكرد

2021.02.18 - 22:56
App store icon Play store icon Play store icon
ڕەغدی سەدام: باوكم لەزیندان داوای دوو شتی دەكرد

 ناس کورد-

لە زنجیرەی گێڕانەوەكانیدا ڕەغدی كچی سەرۆكی لەسێدارەدراوی عێراق، سەدام حسێن، ئاشكرایكرد باوكی لەزیندان داوای جگەرە و جلوبەرگی تایبەتی كردووە و هەندێ لە جگەرەكانیشی بەدیاری داوە بە گیراوەكانیتر.

کەناڵی ناس کورد لە تێلیگرام جۆین بکە   

 

ڕەغد لە دیمانەی ئەم ئێوارەیە (18 شوباتی 2021) كە زنجیرەی چوارەمی بوو لە كەناڵی ئەلعەرەبییە و "ناس كورد" دیویەتی، باسی لەوەكرد پاش 2003 هیچ كات پێیانوانەبووە سەدام حسێن بگیرێت بەڵام كوشتنی چاوەڕوانكراوبووە. جەختی لەوەش كردەوە باوكی لەكاتی گرتندا بێهۆش كرابوو بەمادەی تایبەت بۆیە بەو شێواوییە دەركەوت، بەڵام هیچ بەڵگەو زانیارییەكی پشتڕاتسكراوەی لەسەر ئەم قسەیە نەخستەڕوو.

 

لەبارەی ئەوەی ئایا ئێستا پەشیمان نین لەوەی بەو كۆتاییە گەیشتن و باشتر نەبوو عێراق بەجێبهیڵن، كچەكەی سەدام جەختیكردەوە بەپێچەوانەوە زۆر سەربەرزن بەو كۆتاییە و هیچ كات بەجێهێشتنی عێراق بژاردەی باوكی و خێزانەكەی نەبووە.

 

ڕەغد كە كچە گەورەی سەدام حسێنە باسی لەوەشكرد هێشتا گرتەی لەسێدارەدانی باوكی نەدیوە و ئامادەش نییە تەماشای بكات و هەندێكی كەمی بەبیستن بیستووە، لەبارەی گۆڕەكەشییەوە كە لەدوای هاتنی داعش (2014) وترا لە شوێنی خۆی گواستراوەتەوە، باسی لەوەكرد تەنها دەتوانێت بڵێت ئێستا لەجێگەیەكی پارێزراوە و هیچیتر.

 

ڕەغد باسی لەوەكرد زۆربەی سەركردە عەرەبەكان لەپشت پەردە ئێستا دان بەوەدا دەنێن سەدام پارێزەری عەرەب بووە، هەروەها ئەوەشی خستەڕوو ئەوان بە كۆمەك و لەسایەی عەرەب دەژین ئەگینا سەدام هیچ سامان و پارەیەكی لێ بەجێ نەماوە و وتی "دەوڵەتانی عەرەب بەجێمان ناهێڵن".

 

زیاتر بخوێنەرەوە: ڕەغدی سەدام لە دیمانەیەكی تەلەفزیۆنیی نوێدا دەردەكەوێت

 

 

لەناو شەقامی عیراق مشتومڕی جۆراوجۆر لەبارەی دیدارەكانی ڕەغدی سەدام حسێن لەكەناڵی ئەلعەربییە هەیە، بەڵام نووسەر و توێژەری عێراقی ڕەشید، خەیون لە هەڵسەنگاندنێكدا كە "ناس كورد" دیویەتی، ئاستی زانیاری و ڕۆشنبیری كچەكەی سەدام بە ئابڕوچوون ناودەبات كە سەرپێی و بێ زانیاری و بێ قوڵاییە و پێیوایە دیدارەكە تەنها بۆ شۆی میدیاییەو پرسیارەكانیش بەهیچ جۆرێك ناچنە قوڵایی ڕووداوەكانەوە.

 

زیاتر بخوێنەرەوە: ڤیدیۆیەك لەپشت پەردەی دیدارەكەی ڕەغدی سەدام دزەی كرد

 

 

هەر لەمبارەیەشەوە توێژەری ناسراوی عێراقی حارس حەسەن كە لەئەمەریكا نیشتەجێیە، لە لێكدانەوەیەكدا لە پەیجی خۆی ئەمڕۆ (18 شوباتی 2021) كە "ناس كورد" دیویەتی، جەخت لەوە دەكاتەوە، "هیچ شتێكی گرنگ لەدیدارەكانی ڕەغدی سەدامدا نییە تەنها بیرهێنانەی ڕابردوو نەبێت لەگەڵ شانازیكردن بەهۆزەكەی خۆیان وەك كچێكی لێقەوماو، ئەمەش دژ بەبەهای هاوڵاتی بوونە كە خۆپیشاندانەكانی تشرینی 2019 گوزارشتی لێ دەكرد.

 

زیاتر بخوێنەرەوە: ڕەغدی سەدام حسێن بەشداری هەڵبژاردنەکانی عێراق دەكات؟