گه‌ڕان

Shadow Shadow
سیاسه‌تی

وردەکاریی

کوڕەکەى عەلى کیمیایی رونکردنەوە لەبارەى هەراى دیمانەکەى رەغدى سەدام دەدات

2021.02.18 - 18:10
App store icon Play store icon Play store icon
کوڕەکەى عەلى کیمیایی رونکردنەوە لەبارەى هەراى دیمانەکەى رەغدى سەدام دەدات

ناس کورد-

 

کوڕێکى عەلى کیمیایی ئەو قسانە رەتدەکاتەوە کە بەناوى بنەماڵەکەیانەوە لەسەر دیمانەکەى رەغد سەدام بڵاوکرایەوە و دەڵێت ئەو کچەى ئەو قسانەى کردووە خوشکى نییە.

کەناڵی ناس کورد لە تێلیگرام جۆین بکە   

 

بەپێی کەناڵى "UTV" ى عێراقى کە "ناس کورد" ئەمڕۆ پێنج شەممە بەدواداچوونى بۆ کردووە، ئەو کچەى خۆى وەک کچى عەلى حەسەن مەجید ناساند و وەڵامى رەغدى دایەوە مەغریبییە و لە ئەمریکا دەژى زیاتر لەجارێک ئەو بانگەشەیەى کردووە.

 

یەکێک لە کوڕەکانى عەلى حەسەن مەجید بە نوێنەرایەتى خێزانەکەى لە ڤیدیۆیەکدا لە تیکتۆک دەڵێت "ئەو جۆرە کەسانە لەهەموو شوێنێک و هەمووکاتێک هەن کە بانگەشەى لەو شێوەیە دەکەن".

 

دەشڵێت "قسەکانى ئەو کچە لەسەر رەغد گوزارشت لە ئێمە ناکات و ئێمە هیچ شتێکمان نییە".

 

دوێنێ چوارشەممە کچێک لە گرتەیەکى ڤیدیۆییدا خۆى بە کچى عەلی حەسەن مەجید ناساند و  وەڵامی رەغدی کچی سەدامى دایەوە و پێی وت "پیاوەکەت بۆیە لەلایەن باوکمەوە کوژرا چونکە ناپاک بوو، فیلەر و بۆتۆکسەکەت دەربهێنە".

 

ڕەغد لە گفتوگۆیەکى تەلەفزیۆنیدا لەگەڵ کەناڵى عەرەبیە کە "ناس کورد" بینیویەتى دەڵێت، لەپاش جیابوونەوەیان لە ساڵى 1995 لە ئوردنەوە گەڕانەوە بۆ عێراق و باوكی بڕیار دەدات ڕەغد و ڕەنا تەڵاق وەرگرن لە مێردەكانیان كە هەردووکیان برا بوون و ئامۆزای سەدام بوون.  

  

ڕونیشیکردوەتەوە، "بڕیاری عەشایەری لە عەشیرەتی سەدامەوە دەرچوو بۆ كوشتنی حسێن كامل و سەدام كامل، عیزەت دوری وەك دەوڵەت دەستبەرداری مافی دەوڵەت بوو لەبەرخاتری سەدام، بەڵام خزمێكی سەدام لە دانیشتنەكە بوو دەستی بەرزكردەوە وتوویەتی "ئێمە وەك عەشیرەت خۆش نابین و ئەبێ بكوژرێن."  

  

ڕەغد دەشڵێت، "ئەگەر بڵێم عودەی برام دەستی نەبووە لە کوشتنەکە دوور دەكەومەوە لە ڕاستی، ئەوەی ڕوویدا لەنێوان دوو كەس نەبوو، سوپایەك جووڵا بۆ جێبەجێكردنی فەرمانەكە و هەموولا ئاگایان لێ بوو، سەدام نەرێتی وابوو هەركەس هەڵە بكات ئەبێ باجەكەی بدات و هەموومان ئەوەمان ئەزانی.  

  

لە درێژەى گێڕانەوەکەیدا دەڵێت، "كە زانیم حسێن كامل كوژراوە زۆر تێكچووم، بەڵام قەت ڕەخنەم نەگرت لە باوكم، زۆر هەوڵیدا ڕازیم بكات، بەڵام ڕازیش نەبووم".   

  

سەدام کامل هاوسەرى ڕەنا و حسێن کامل هاوسەرى ڕەغد بوو، هەردووکیان بەهۆى بەهۆی جیابوونەوەیان لە رژێمی سەدام و هەڵاتنیان بۆ ئوردن لەلایەن ئەو ڕژێمەوە لە شوباتی 1996 کوژرانەوە و هاوسەرەكانیان ڕەغد و ڕەنا بێوەژن كەوتن و ئێستا لە ئوردن دەژین.