گه‌ڕان

Shadow Shadow
سیاسه‌تی

وردەکاریى

ڕونکردنەوە لەبارەى ’گیانلەدەستدانى’دادوەرى دۆسیەى چالاکوانانى بادینان دەدرێت

2021.02.18 - 13:44
App store icon Play store icon Play store icon
ڕونکردنەوە لەبارەى ’گیانلەدەستدانى’دادوەرى دۆسیەى چالاکوانانى بادینان دەدرێت

ناس کورد-

وتەبێژی پۆلیسی هاتوچۆی هەولێر دەنگۆی توشبونی حاکم زرار هەرکی دادوەرى دۆسیەى چالاکوانانى بادینان بە ڕوداوی هاتوچۆ ڕەتدەکاتەوە و دەڵێت "هیچ ڕوداوێکی لەوجۆرە تۆمار نەکراوە".

 

کەناڵی ناس کورد لە تێلیگرام جۆین بکە   

 

فازڵ حاجی، وتەبێژی پۆلیسی هەولێر (18ى شوباتى 2021) لە لێدوانێکدا بۆ "ناس کورد" ڕایگەیاند، ئەوەی دەوترێت گوایە حاکم زرار هەرکی توشی ڕوداوی هاتوچۆ بووە دورە لە ڕاستییەوە.

 

وتیشی "ئێمە لەهەولێر ئاگادار هیچ شتێکی لەو جۆرە نین و ئەو روادوە نە لە بەڕێوەبەرایەتی هاتوچۆ نە لە بنکەکانی پۆلیس تۆمار نەکراوە".

 

حاکم زرار هەرکی ئەو حاکمەیە کە ڕۆژی 16ی شوباتی 2021 سەرۆکایەتی دانیشتنی دادگایکردنی چالاکوانان و ڕۆژنامەنوسانی بادینانی کرد و لەو دانیشتنەی دادگای 2ی کەتنی هەولێر ماوەی 6 ساڵ زیندانی بۆ شێروان شێروانی، شڤان سەعید، گوهدار زێباری، هاریوان عیسا و ئەیاز کەرەمی کە پێنج چالاکوان و ڕۆژنامەوانی بادینانن دەرچو، بڕیارەکەش ناڕەزایەتى بەشێک لە هاووڵاتیان و لایەنە سیاسیەکان و چالاکوانان و ڕۆژنامەوانانی گرتەوە و ئومێدیان بە دادگای پێداچونەوە (تەمیز)ی هەرێمی کوردستانە بۆ پێداچوونەوە بە بڕیارەکە.