گه‌ڕان

Shadow Shadow
سیاسه‌تی

وردەکاریى

تەندروستى جیهانى بەبڕى یەک ملیۆن دۆلار پێداویستى پێشکەشى هەرێم کرد

2021.02.17 - 20:00
App store icon Play store icon Play store icon
تەندروستى جیهانى بەبڕى یەک ملیۆن دۆلار پێداویستى پێشکەشى هەرێم کرد

ناس کورد- 

ڕێکخراوى تەندروستى جیهانى جەختیلەوەکردەوە، بەردەوام دەبن لە هاوکاریکردنى هەرێمى کوردستان بۆ ڕوبەڕوبونەوەى پەتاى کۆرۆنا و پێداویستى پزیشکى زیاتریان بە بڕى یەک ملیۆن دۆلار دابین کردوە.

 

کەناڵی ناس کورد لە تێلیگرام جۆین بکە   

 

ڕێکخراوى تەندروستى جیهانى (چواشەممە، 17ى شوباتى 2021) لە بەیاننامەیەکدا کە وێنەیەکى دەست "ناس کورد" کەوتووە بڵاویکردەوە، 10 تۆن پێداویستى پزیشکى نوێ ڕادەستى وەزارەتى تەندروستى هەرێمى کوردستان کراوە، ئەو بەخشینەش ئامانج لێى زیادکردنى تواناى یەکەکانى چاودێرى وردە، ئەوەش لە چوارچێوەى هەوڵەکان بۆ سنوردارکردنى توشبووانى کۆرۆنا لە عێراق.

 

ئەوەش هاتووە، ئەو پێداویستیە پزیشکى و هاوکاریانە نرخیان یەک ملیۆن دۆلارە و بریتین لە پێداویستیەکانى پاراستنى کارمەندانى پزیشکى و پشکنین و ئامێرەکانى تایبەت بە پشکنینى ئۆکسجین و قەرەوێڵەى ئامادەکراو و پێداویستەکیەکانى یەکەکانى چاودێرى ورد و ئامێرى چاودێریکردنى نەخۆش و چەندین پێداویستى تر.

 

بەپێى بەیاننامەکە، ئەو پێداویستیانە لەکاتێکى گونجاودایە و دەسەڵاتدارانى تەندروستى هەوڵەکانیان چڕ کردوەتەوە بۆ ڕێگەگرتن لە بەرزبونەوەى توشبوانى کۆرۆنا و ئەوانەى دەچنە نەخۆشخانەکان، هەروەها ئامێرە نوێکان دەتوانن کۆرۆنا ئاشکرا بکەن و چاودێرى نەخۆش بکەن، ئەوەش دواى ئەوەى ڕاپۆرت هەیە لەسەر دەرکەوتنى نەوەى نوێى ڤایرۆسەکە لە عێراق.