گه‌ڕان

Shadow Shadow
سیاسه‌تی

وردەکاریى

پێوەرەکانی دیاریکردنى ئاستی زانکۆکان

2021.02.17 - 17:09
App store icon Play store icon Play store icon
پێوەرەکانی دیاریکردنى ئاستی زانکۆکان

ناس کورد-

لیژنەى باڵاى ڕیزبەندى نیشتمانى زانکۆکانى کوردستان کۆبۆوە و لە کۆبوونەوەکەدا باس لەوەکرا، بۆ ئەمساڵ وەزارەتى خوێندنى باڵا و توێژینەوەى زانستى بە بنەماو پێوەرى تازە و بە بەشدارى سەرجەم زانکۆ و پەیمانگە حکومى و تایبەتەکان کار بۆ جێبەجێکردنى ڕیزبەندى نیشتمانى زانکۆکان دەکات.

 

کەناڵی ناس کورد لە تێلیگرام جۆین بکە   

 

بەپێی ڕاگەیەندراوێکی وەزارەتی خوێندنی باڵاو توێژینەوەی زانستی کە وێنەیەکی دەست "ناس کورد" کەوتووە ئەمڕۆ (17ی شوباتی 2021) لە کۆبوونەوەکەدا ئارام محەمەد قادر وەزیرى خوێندنى باڵا و توێژینەوەى زانستى ڕایگەیاند، لەژێر رۆشنایی ڕوئیاو بەرنامەکانی کابینەی نۆیەمی حکومەتی هەرێمی کوردستان پێداچونەوەمان بە پێوەرەکان کردوە، بە تایبەت توێژینەوەی زانستی و چالاکیە زانستییە نێودەوڵەتی و نیشتمانیەکان و بەشداری زانکۆ لەچارەسەرکردنی گرفتەکانی کۆمەڵگە. چونکە زانیارییەکانى ڕیزبەندی نیشتیمانی بەکار دەهێنین بۆ توێژینەوەی زیاتر لەبارەى سێکتەرى خوێندنی باڵای کوردستان.

 

لەبارەى پێوەرەکانى ڕیزبەندى نیشتمانى زانکۆکانى کوردستان وتى، "لەئێستادا پێوەرەکانی ڕیزبەندی نیشتیمانی بریتیە لە حەوت پێوەر کە پێکهاتوە لە دەستەی وانەبێژان (ستافی ئەکادیمی)، توێژینەوەی زانستی، چالاکیە زانستییە نێودەوڵەتی و نیشتمانیەکان (ناوخۆکان)، ڕازیبونی (دڵشادبونی) قوتابی/خوێندکار، دڵنیایی جۆری، چالاکیە ڕۆشنبیری و کۆمەڵایەتیەکان، کتێبخانە، بۆیە هەوڵمانداوە گۆڕانکارى لە پێوەرەکان بکەین بەشێوەیەک کاریگەرى هەبێت لەسەر بەرزکردنەوەى ئاستى زانستى و کوالێتى خوێندن لە هەرێمى کوردستان.

 

وەزیرى خوێندنى باڵا و توێژینەوەى زانستى دوپاتیکردەوە سەرجەم پێوەر و بنەماکانى تایبەت بە ڕیزبەندى لەسەر وێبسایتى نور بڵاودەکرێتەوە بۆ ئەوەى زانکۆکان ئاگادارى سەرجەم وردەکارییەکان بن، وتیشى بۆ ئەمساڵ ڕاگەیاندنى ئەنجامەکان بەشێوەى گروپ نابێت بەڵکو یەکەم و دوەم و سێیەمى زانکۆکان دیارى دەکرێت.