گه‌ڕان

Shadow Shadow
سیاسه‌تی

وردەکاری

گروپێكی تری چەكداریی پشتگیری بۆ هێرشەكانی سەر هەولێر ڕاگەیاند

2021.02.17 - 08:16
App store icon Play store icon Play store icon
گروپێكی تری چەكداریی پشتگیری بۆ هێرشەكانی سەر هەولێر ڕاگەیاند

ناس کورد-

گروپێكی تری چەكداریی شیعەکان پاڵپشتی خۆیان بۆ هێرشە موشەکییەکەى شەوی دووشەممەى سەر هەولێر ڕاگەیاند، ئەوەش دوای ئەوەى گروپێک کە ناوی خۆیان ناوە "سرایا اولیاء الدم" بەرپرسیارێتی خۆیان لە هێرشەکە ڕایگەیاند.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا کە کۆپییەکی دەستی "ناس کورد" کەوتووە، گروپێکی چەکداریی شیعەکان بە ناوی "قوات ذوالفقار" پشتگیری لە هێرشەکەى سەر هەولێر دەکات و دەڵێت، "بوونی بەرخودانێک کە ناڕاست ڕەت دەکاتەوە هەتوانێکە کە برینی گەلی ستەملێکراو چارەسەر دەکات و هیواکانی بە ژیان و سەروەری زیندوو دەکاتەوە."

 

دەشڵێت، "ئەو کردە پاڵەوانیەتییە کە پاڵەوانانی (سرایا اولیاء الدم" کردیان پارێزگاریکەر و بزوێنەرە لەناو ڕۆڵەکانی بەرخودانی پیرۆز."

me_ga.php?id=2604

ئەو گروپەی کە ناوی خۆیان ناوە "سرایا أولیاء الدم" و بەرپرسیارێتی هێرشە موشەکییەکەی شەوی دووشەممەى هەولێریان لە ئەستۆگرت ڕاگەیەنراوێکی بڵاوکردەوە و تێیدا دەڵێت، "ویستمان بە هەندێک لە سیاسییەکانی کوردی بڵێین کە ڕێگای هەڵەتان گرتووە و ئەگەر ڕاستی نەکەنەوە، ئەوە ئێمە بەو موشەکانە ڕاستتان دەکەینەوە کە لە هەرێمی کوردستان و بە تایبەت لە هەولێر خەزنمان کردوون."  

  

گروپەکە لە ڕاگەیەنراوێکدا کە کۆپییەکی دەستی "ناس کورد" کەوتووە و لەژێر ناوی "المقاومة الاسلامية في العراق" دەڵێت، "داگیرکەری ئەمریکا سەلامەت و سەقامیر نابێت تەنانەت ئەگەر بنکە سەربازییەکانیشیان ناو حکومەتێکی بەکرێگیراو."  

  

دەشڵێت، "ئێوە ئەى سەرکردە کوردەکان پێشوازیتان لە سوپاى داگیرکەری تورکیا کردوە و تائێستاش دەیکەن لە عێراق، مەسعود بارزانى عەرابى یەکەمى داگیرکارى تورکیا و هاتنە ناو خاکى عێراقى خۆشەویستە."
  

هەروەها جەخت دەکەنەوە کە "سەرجەم هاوڵاتیانی و سەربازیی گەلى کورد برا و خۆشەویستمانن، جگە لە بنکە سەربازییەکانی داگیرکەری ئەمریکا و تورکى و ئیسرائیلى هیچ شتێکى تر ناکەینە ئامانج."  

  

ئەو گروپە کە هێشتا ناسنامەی تەواوی دیار نییە دەڵێت، "ئێمە بە کوچە و کۆڵانەکانى هەولێرى خۆشەویستدا دەگەڕێین و لە خانو و هۆتێلەکانیدا نیشتەجێین و بیر لە ئازاردانى کەس ناکەینەوە، لێرەوە خەڵکەکەمان و براکانمان لە هێزە ئەمنیەکان ئاگادار دەکەینەوە کە لە بنکە و بارەگاکانى داگیرکارى ئەمریکا و تورکى و ئیسرائیلى دوربکەونەوە."  

  

باسیان لەوەش کردووە کە "هەوڵى بێبەهاکردن و بچوککردنەوەى هێرشەکانمان خوییەکی میدیای دوژمنە کە پێى ڕاهاتووین، لە ڕاستیدا گەورە ئەفسەران و سەبازانى ئەمریکى لە هێرشەکەدا کوژراون، تەلار و کۆگا و فڕۆکەى داگیرکەر سوتاون و بوون بە خۆڵەمێش و هەندێکیان تا چەندین کاتژمێر بەردەوام تەقیونەتەوە."  

  

گروپی "سرایا اولیاء الدم" دەشڵێت، "جۆرى موشەکەکان و چۆنێتى تەقاندنیان داگیرکارى ترساندووە بەجۆرێک شوێنى تەقاندنەکەیان بۆ نەدۆزرایەوە تا ئەو کاتەى "سرايا اولياء الدم" بە بەیاننامەکەى پێشتر وردەکارى هێڕشەکە و شوێنەکەى ئاشکرا کرد."  

  

لە کۆتاییدا جەختیان لەوەکردووەتەوە کە "فڕۆکەخانەى نێودەوڵەتى هەولێر هەمیشە پارێزراو دەبێت و هەرگیز نایکەینە ئامانج، ئەگەر ئەوەمان بویستایە ئەوا زۆر ئاسانتر دەبوو."