گه‌ڕان

Shadow Shadow
سیاسه‌تی

یەکەم هەڵوێستى حەشدی شەعبی لەسەر هێرشەکەى هەولێر

2021.02.16 - 08:47
App store icon Play store icon Play store icon
یەکەم هەڵوێستى حەشدی شەعبی لەسەر هێرشەکەى هەولێر

ناس کورد-



بەرپـرسێکی حەشدی شەعبی رەتیکردەوە هێزەکانیان هیرشە موشەکییەکەى هەولێریان ئەنجام دابێت، کە بەهۆیەوە بەڵێندەرێکى هاوپەیمانان کوژرا و چەند کەسێکى دیکەش برینداربوون.

کەناڵی ناس کورد لە تێلیگرام جۆین بکە   

 

عەلی حسێنی وەتەبێژی میحوەری باکوری عێراقی حەشدی شەعبی لە لێدوانێکیدا بۆ دەنگی ئەمەریکا کە "ناس کورد" بەدواداچوونى بۆ کردووە وتی هیچ زانیاریـیەکیان لەسەر هەڵدانی ئەو موشەکانە نیـیە و ڕەتیکردەوە هێزەکانیان لە پشت ئەو هێرشەوە بن.

 

 وتیشی هەر لایەنێک تۆمەتباریان بکات لە دادگا سکاڵای لەسەر تۆماردەکەن.

 

بەڵام لیوا محەمەد ڕێگر، فەرماندەی میحوەری ڕۆژئاوای کەرکوکی پـێشمەرگە وتى لە قەزای دبسەوە زانیارییان پـێدراوە حەشدی شەعبی لەوێوە موشەکەکانی ئاڕاستەی هەولێر کردووە. ئەوان ئێستا لێکۆڵینەوە لەو زانیاریـیانە دەکەن.

 

تا ئێستا هێزە ئەمنییەکانى هەرێم بەفەرمى هیچ گروپێکیان بەئەنجامدانى هێرشەکە تۆمەتبار نەکردووە، بەڵام شەوى رابردوو گروپی "سرایا أولیاء الدم" كە تاقمێكی چەكدارە و خۆی بەخاوەنی خوێنی سولەیمانی و ئەبومەهدی موهەندیس دەزانێت بەرپرسیارێتی خۆی لە هێرشە موشەكییەكە ڕاگەیاند.