گه‌ڕان

Shadow Shadow
سیاسه‌تی

بەپەلە

پارێزگارى نەینەوا لەسەر سەرچاوەى موشەکەکانى هەولێر رونکردنەوە دەدات

2021.02.15 - 23:25
App store icon Play store icon Play store icon
پارێزگارى نەینەوا لەسەر  سەرچاوەى  موشەکەکانى هەولێر رونکردنەوە دەدات

ناس کورد-

 

نەجم جبورى پارێزگارى نەینەوا رایگەیاند، ئەو موشەکانەى ئەمشەو لە هەولێر کەوتنە خوارەوە لەسنورى پارێزگاى نەینەواوە هەڵنەدراون.

 

کەناڵی ناس کورد لە تێلیگرام جۆین بکە   

جبورى لە راگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە، پەیوەندى بەبەرپرسى سەرجەم یەکە ئەمنییەکانى نەینەواوە کردووە و جەختیان کردووەتەوە کە هیچ موشەکێک لەو سنورەوە هەڵنەدراوە.

 

وتیشى سەرجەم هێزەکان لەحاڵەتى ئامادەباشیدان.

 

بەوتەى سەرچاوەیەکى ئاسایشى هەولێر بۆ "ناس کورد"، لە هێرشەکەى سەر هەولێر ئەوەى یەکلا بووەتەوە سێ بۆ چوار موشەک بووە کە یەکێکیان بارەگاى هێزەکانى ناتۆى لەناو فڕۆکەخانە کردووەتە ئامانج.      

  

سەرچاوەکە کە نەویست ناوى بهێنرێت بە "ناس کورد" ى راگەیاند، موشەکەکان کەوتونەتە مەیدانى ئاژەڵان، گەڕەکى بەختیارى لە نزیک شوقەکانى زەکەریا، لەناو فڕۆکەخانە لە نزیک بارەگاى هێزەکانى ناتۆ.      

  

وتیشى دەوترێت موشەکێک تێپەڕبووە بەسەر فڕۆکەخانە بەهۆى ئەوەى سیستەمى دژە موشەکى ئەمریکى وەڵامیداوەتەوە، بەڵام ئەوە هێشتا یەکلانەبووەتەوە.      

  

بەهۆى کەوتنەخوارەوەى موشەکەکانەوە چەند کەسێک برینداربوون و رەوانەى نەخۆشخانە کراون.