گه‌ڕان

Shadow Shadow
سیاسه‌تی

کاردانەوەیەکی توندی پارتی لەبارەى هێرشەکانی سەر هەولێر

2021.02.15 - 22:37
App store icon Play store icon Play store icon
کاردانەوەیەکی توندی پارتی لەبارەى هێرشەکانی سەر هەولێر

ناس کورد-

هۆشیاری زێباری، ئەندامی مەکتەبی سیاسی پارتی ڕایگەیاند، پێنج موشەک لە هەولێر کەوتووەتەخوارەوە و "لێپێچینەوە لە تاوانباران دەکرێت."

 

کەناڵی ناس کورد لە تێلیگرام جۆین بکە   

 

هۆشیار زێباری لە تویتێکیدا کە "ناس کورد" بەدواداچوونی بۆ کردووە (15ی شوباتی 2021) دەڵیت، "موشەکەکان هەندێک دامەزراوەی دیبلۆماسی و شوێنی نیشتەجێبوونی کردووەتە ئامانج بەڵام خۆشبەخانە هیچ قوربانییەک نییە."

 

دەشڵیت، "حکومەتی هەرێمی کوردستان سەرقاڵی پشکنینی سەرچاوەی موشەکەکانە و لێپرسینەوە لە تاوانباران دەکرێت."

 

سەرچاوەیەک لە ئاسایشى هەولێر رایگەیاند، لە هێرشەکەى سەر هەولێر ئەوەى یەکلا بووەتەوە سێ بۆ چوار موشەک بووە کە یەکێکیان بارەگاى هێزەکانى ناتۆى لەناو فڕۆکەخانە کردووەتە ئامانج.

 

سەرچاوەکە کە نەویست ناوى بهێنرێت بە "ناس کورد" ى راگەیاند، موشەکەکان کەوتونەتە مەیدانى ئاژەڵان، گەڕەکى بەختیارى لە نزیک شوقەکانى زەکەریا، لەناو فڕۆکەخانە لە نزیک بارەگاى هێزەکانى ناتۆ.

 

وتیشى دەوترێت موشەکێک تێپەڕبووە بەسەر فڕۆکەخانە بەهۆى ئەوەى سیستەمى دژە موشەکى ئەمریکى وەڵامیداوەتەوە، بەڵام ئەوە هێشتا یەکلانەبووەتەوە.

 

بەهۆى کەوتنەخوارەوەى موشەکەکانەوە دوو کەس برینداربوون و رەوانەى نەخۆشخانە کراون.