گه‌ڕان

Shadow Shadow
سیاسه‌تی

زانیاری زیاتر

ئەمەریکا ڕاگەیەنراوێکی لەسەر کوژرانی 13 کەس لە هەرێمی کوردستان بڵاوکردەوە

2021.02.15 - 09:25
App store icon Play store icon Play store icon
ئەمەریکا ڕاگەیەنراوێکی لەسەر کوژرانی 13 کەس لە هەرێمی کوردستان بڵاوکردەوە

 ناس کورد-

وەزارەتی دەرەوەی ئەمەریکا سەرکۆنەی کوشتنی 13 هاووڵاتی تورکی لە هەرێمی کوردستان کرد و ڕایگەیاند، ئەگەر ئەوە پشتڕاست بکرێتەوە کە بەدەستی پەکەکە کوژراون، ئەوا هەڵوێستی توندیان دەبێت.

کەناڵی ناس کورد لە تێلیگرام جۆین بکە   

 

لە شەڕی چەند ڕۆژی ڕابردووی پەکەکە و سوپای تورکیا لە هەرێمی کوردستان 13 هاووڵاتی تورکیا کە لای پەکەکە دیل بوون کوژران و تورکیاش پەکەکە بە کوشتنیان تۆمەتبار دەکات.

 

لە ڕاگەیەنراوێکدا وەزارەتی دەرەوەی ئەمەریکا ڕایگەیاند "ئێمە لەگەڵ تورکیای هاوپەیمانی ناتۆمان دەوەستین و پرسە و سەرەخۆشی لە خانەوادەی ئەو کەسانە دەکەین کە گیانیان لەدەستدا".

 

ئاماژەی بەوەشکردووە " ئەگەر کوژرانی ئەو هاووڵاتیە مەدەنیە تورکانە لەلایەن پەکەکەوە کە ڕێکخراوێکی تیرۆرستییە ڕاست بێت، ئێمە بە توندترین شێوە ئەو کردەوەیە شەرمەزار دەکەین".

 

دوێنێ (یەکشەممە، 14ی شوباتی 2021)، خولوسی ئاکار، وەزیری بەرگریی تورکیا کشانەوەی هێزەکانیانی لە چیای گارە ڕاگەیاند و ئاماژەی بەوەشکرد، لە ئەشکەوتێک لە هەرێمی کوردستان تەرمی 13 هاووڵاتی تورکیایان دۆزیوەتەوە کە لە لایەن پەکەکەوە کوژراون.

 

لە بەرامبەردا پەکەکە ئەوە ڕەتدەکاتەوە و ڕایگەیاندووە کە تورکیا خۆی بۆردومانی کەمپی دیلەکانی کردووە و مەبەستیشی بووە ئەو ئەندامانەی خۆی بکوژێت بۆیە ئەو کارەی کردووە.