گه‌ڕان

Shadow Shadow
سیاسه‌تی

وردەکاریی

’لێکۆڵینەوەى وردتر’ دەکرێت لە شەڕە تەقەکەى ئەفسەرەکە و کوڕەکەى قادر عەزیز

2021.02.14 - 20:36
App store icon Play store icon Play store icon
’لێکۆڵینەوەى وردتر’ دەکرێت لە شەڕە تەقەکەى ئەفسەرەکە و کوڕەکەى قادر عەزیز

ناس کورد-

پۆلیسى سلێمانى رایگەیاند، لێکۆڵینەوەى وردتر دەکرێت لەرووداوى شەڕە تەقەکەى نێوان ئەفسەرەکە و کوڕەکەى قادر عەزیز و دواتر دادگا بڕیارى کۆتایی دەدات لەو بارەیەوە.

 

کەناڵی ناس کورد لە تێلیگرام جۆین بکە   

 

سەرەتاى ئەم مانگە لەشارى سلێمانى شەڕە تەقە لەنێوان ئەفسەرێکى بەرگرى و فریاکەوتن و کورێکى قادر عەزیز کارگێڕى مەکتەبی سیاسی یەکێتى روویدا و هەردولا یەکتریان بە هۆکارى روداوەکە تۆمەتبارکرد.

 

سەرکەوت ئەحمەد وتەبێژى پۆلیسى سلێمانى ئەمڕۆ یەکشەممە بە "ناس کورد"ى راگەیاند "هەردوو تەرەفەکە رادەستى بنکەى پۆلیسى بەختیارى کراون، پەڕاوەکانیان براوەتە بەردەم دادوەر، هەردولا قسەى خۆیان کردووە، لێکۆڵینەوەى وردتر دەکرێت لە رووداوەکە".

 

وتیشى "ئەوەى ماوەتەوە دادگا بڕیاردەدات یان بەند دەبن یان ئازاد دەکرێن".

 

رۆژى هەینی 5ی شوباتی 2021، نوسینگه‌ی قادر عه‌زیز لە رونکردنەوەیەکدا، ئەفسەرەکەى تۆمەتبارکرد بەوەى چەندینجار بەبێ هیچ پاساوێک بە دەمانچە هەڕەشەی لە کوڕەکەى کردووە.  

 

لاى خۆیەوە، موقەدەم شێخاڵ محەمەد ئیبراهیم ئەحمەد ئەفسەری بەرگری و فریاکەوتن (4ی شوباتی 2021) لە چاوپێکەوتنێکی ڕاستەوخۆدا کە "ناس کورد" لە ماڵەکەی خۆیدا لەگەڵی ئەنجامیدا ڕایگەیاند، لەلایەن 15 چەکدارەوە کە سێ ئۆتۆمبیلیان پێ بووە، هێرشکراوەتە سەریان و تەقەیان لێکراوە.